स्थानीय तह निर्वाचनः कांग्रेसबाट जसपालाई थ्रेट, सत्ता गठबन्धन धरापमा
नेपालबहस संवाददाता
जेठ ५, २०७९ बिहिबार १७:१७:५५
५ जेठ, काठमाडौं । स्थानीय तहको निर्वाचनमा सत्ता गठबन्धनका दलहरुलाई आफैसँग अप्ठेरो महशुस भएको देखिन्छ । मतपरिणाम र प्रतिस्पर्धा हेर्ने हो भने आफै आफैसँग प्रतिस्पर्धा गर्नुपर्दा त्यस्तो महशुस भएको हो ।
पछिल्लो मतपरिणाम र निर्वाचनको अवस्था हेर्दा जनता समाजवादी पार्टी(जसपा) मा यस्तो अवस्था देखिएको छ । संघीय सरकारमा कांग्रेससहितको गठबन्धनमा रहेको जसपाले कांग्रेससँगै प्रतिस्पर्धा गरेको देखिन्छ । उसलाई आएको मतपरिणाम र प्रतिस्पर्धाले सरकारमा रहनु र नरहनुको कुनै अर्थ देखिएको छैन ।
स्थानीय तहको निर्वाचनमा आएको मतपरिणाममा जसपाले अपेक्षाकृत सफलता पाउन सकिरहेको छैन । हालसम्मको मतपरिणाममा उसले ९ पालिका जित्न सफल भएको छ । तर सबैभन्दा रोचक पक्ष के छ भने जसपाले जितेको नौ पालिकामै केन्द्रमा गठबन्धन रहेको नेपाली कांग्रेस नै उसको प्रमुख प्रतिस्पर्धी देखिएको छ । यस्तै कांग्रेसले जितेका मधेस प्रदेशका अधिकांश पालिकामा प्रमुख प्रतिस्पर्धी जसपा देखिएको छ । कांग्रेसले जितका मध्ये १० पालिकामा जसपा प्रमुख प्रतिस्पर्धीको रुपमा हारेको छ ।
यो परिणामले जसपा र कांग्रेस दुबैलाई झस्काएको छ । एकातिर विराटनगरमा उपमयेर उम्मेदवार रहेका जसपा अध्यक्ष उपेन्द्र यादवका छोरा अमरेन्द्र यादव कांग्रेसले भोट नहाल्दा हार्ने अवस्थामा पुगेका छन् । यस्तै जनकपुरमा गठबन्धनको तर्फबाट मेयरका उम्मेदवार विरुद्ध कांग्रेसका नेता विमलेन्द्र निधिको योजनामा कांग्रेसकै वागी उम्मेदवार बनेर स्वतन्त्र उम्मेदवार रहेका मनोजकुमार साहले अग्रता कायम गरिरहका छन् । गठबन्धनको साझा उम्मेदवार भनिएका जसपाका उम्मेदवार निवर्तमान मेयर लालकिशोर साह मधेस प्रदेशको राजधानी जनकपुरमा चौथो स्थानमा झर्न पुगेका छन् । यसले उपेन्द्र यादव कांग्रेससँग निकै चिढिएका छन् । ‘अहिलेकै अवस्था हेर्ने हो भने सरकारमा रहनुको अर्थ छैन’, जसपाका एक नेताले भने ।
अर्कोतर्फ डा.बाबुराम भट्टराईको गृह जिल्ला गोरखामा जसपासँग माओवादी केन्द्रले गठबन्धन गर्न नचाहेपछि डा. भट्टराई बिच्किएका छन् । त्यसपछि उनले आफ्नो गृह पालिका पालुङटारमा एमालेसँग गठबन्धन गर्न पुगेका थिए । माओवादीले नतिजा घोषणा गरिएका गोरखाका आठ पालिका मध्ये एक बाहेक सबै पालिकामा जित हासिल गरेको छ । यसले आगामी संसदको चुनावमा आफुलाई समस्या पर्ने बुझेका भट्टराईले अहिलेनै आफ्नो सिट सुरक्षित राख्ने उपयाको खोजीमा लागेका छन् । स्था
नीय तहको निर्वाचनले जसपा अध्यक्ष यादव कांग्रेससँग तर्सिने र डा.भट्टराई माओवादीसँग तर्सिने अवस्थाको सृजना भएको छ । यो विषय पेचिलो बन्दै गएमा सत्ता गठबन्धनमै दरार उत्पन्न गर्नसक्ने र देउवा सरकार समेत धर्मराउन सक्ने आँकलन गरिएको छ । जसपाले जितेका यी पालिकाको नतिजाले पनि यो आशंकालाई थप जोड दिएको छ । पर्साको धोवनी गाउँपालिकामा जसपाका मदनप्रसाद चौहान ३ हजार ९१ मत पाएर विजयी हुँदा उनका प्रमुख प्रतिस्पर्धी कांग्रेसका बशिष्टनारायण प्रसाद कुर्मीले ३ हजार ७१ मात पाए । जहाँ जम्मा २० मतको अन्तर मात्रै रहेको थियो । पर्साकै कालिका गाउँपालालिकामा जसपाका बशिष्ट कुमारले ३ हजार ७१९ मत ल्याएर विजयी हुँदा उनका प्रमुख प्रतिस्पर्धी कांग्रेसका अजय कुमारले ३ हजार ६०५ मत ल्याएका थिए । यसमा पनि थोरै मत अन्तर देखिएको छ ।
यस्तै धनुषाको जनकनन्दिनी गाउँपालिकामा जसपाका दीपिन देव यादवले ३ हजार १५७ मत लिएर विजयी हुँदा उनका प्रमुख प्रतिस्र्धी कांग्रेसका सुदेशकुमार चौधरीले २ हजार ७७८ मत पाएका थिए । यस्तै धनुषाकै मुखियापट्टी मुसहरनिया गाउँपालिकामा जसपाका जयकुमार यादवले ५ हजार ४१० मत पाएर विजयी हुँदा उनका प्रमुख प्रतिस्र्धी कांग्रेसका रामवावु यादव ले २ हजार ४५५ मत पाए । जुन कुरा गठबन्धन भएको भए अपेक्षाकृत सफलता पाउने थियो ।
सुनसरीको देवानगञ्ज गाउँपालिका बेचन प्रसाद मेहताले ६ हजार ८७४ मत लिएर विजयी हुँदा नेपाली कांग्रेसका श्यामलाल महतोले ६ हजार ३७४ मतसहित उनको प्रमुख प्रतिस्पर्धी रहे । सिराहाको नवराजपुर गाउँपालिकामा जसपाका शिव उद्गार यादवले ४ हजार ५५४ मत पाएर विजयी हुँदा उनका प्रमुख प्रतिस्पर्धी कांग्रेसका विश्वमोहन प्रसाद यादवले २ हजार ५२५ मत पाए । बाराको करैयामाई गाउँपालिकामा जसपाका शम्भु प्रसाद यादवले ५ हजार ५९८ मत पाएर विजयी हुँदा उनका प्रमुख प्रतिस्पर्धी कांग्रेसका भुनेश्वर धामीले ३ हजार ४०० मत पाए । सर्लाही जिल्लाको बसबरिया गाउँपालिकामा जसपाका राम सिंहासन रायले ४ हजार ९४६ मत पाएर विजयी हुँदा उनका प्रमुख प्रतिस्पर्धी कांग्रेसका राम अयोध्या यादवले २ हजार ८७१ मत पाए ।
मधेसमा मात्रै हाईन पहाडी जिल्ला ओखलढुंगामा जसपाले जितेको स्थानको समेत मुख्य प्रतिस्पर्धी कांग्रैसकै उम्मेदवार बनेका छन् ।ओखलढुंगाको खिजीदेम्वा गाउँपालिकामा जसपाका गम्बु शेर्पाले २ हजार ८८२ मत पाएर विजयी हुँदा उनका प्रमुख प्रतिस्पर्धी कांग्रेसका भुपेन्द्र बहादुर बस्नेतले २ हजार ७५२ मत पाए । यसरी जसपाले जितेका ९ पालिका मध्ये ९ वटैमा कांग्रेस प्रतिस्पर्धी हुनु भनेको दुबै पार्टीको भोट बैंक र मतदाता एउटै रहेको देखाएको छ । जुन विषयले दुवै पार्टीले थ्रेट महशुस गरिरहेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
देशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
हेलम्बुमा हाइअल्टिच्युड भलिबल प्रतियोगिता हुने
चैत १६, २०८० शुक्रबार
सिद्धि हाइड्रो कम्पनीको शेयर निष्कासन तथा बिक्री प्रबन्धकमा सिटिजन्स क्यापिटल
चैत १६, २०८० शुक्रबार
अतिथि सत्कार घरबासमा विदेशी पर्यटक बढ्दै
चैत १६, २०८० शुक्रबार
देउडा खेल्दै सर्वसाधारण
चैत १६, २०८० शुक्रबार
उप निर्वाचनलक्षित एजेन्डा पासगर्दै किसान महासंघ केन्द्रीय समितिको बैठक इलाममा सम्पन्न
चैत १६, २०८० शुक्रबार
धार्मिक पर्यटकीय स्थल बिम गाउँ
चैत १६, २०८० शुक्रबार