रसुवामा चुनावी परिणाम : कांग्रेस तीन, एमाले दुई
नेपालबहस संवाददाता
जेठ ५, २०७९ बिहिबार १९:१०:८
५ जेठ, रसुवा । रसुवाका पाँँच पालिकामध्ये तीनमा कांग्रेस र दुई पालिकामा एमाले निर्वाचित भएको छ । स्थानीय तह निर्वाचनमा पाँँच पालिकामध्ये कालिका गाउँपालिका, नौकुण्ड गाउँपालिका र आमाछोदिङमो गाउँपालिकामा कांग्रेसका उम्मेदवार निर्वाचित भएका छन् । उत्तरगया गाउँपालिका र गोसाइँकुण्डमा एमालेका उम्मेदवार निर्वाचित भएका हुन् ।
कांग्रेसले जितेका पालिका
कालिका गाउँपालिकामा नेपाली कांग्रेसका हरिकृष्ण देवकोटाले २ हजार ६२२ मत प्राप्त गरी विजयी भएका छन् । एमालेका उम्मेदवार कमलनाथ आचार्यलाई ३३९ मतले पराजित गरेका हुन् । कालिका गाउँपालिकामा माओवादी केन्द्रका उम्मेदवार सोम तामाङले १ हहजार ५२२ मत प्राप्त गरेका थिए । उपाध्यक्षमा कांग्रेसका मिरा तामाङले २८१० मत ल्याएर नेकपा एमालेकी अम्बिका भट्ट पौडेललाई ८०० मत अन्तरले पराजित गरी विजयी भइन् ।
कालिका गाउँपालिका १ मा माओवादीका दावा तामाङ, २ मा नेपाली काँग्रेसका उमेश न्यौपाले, ३ मा नेपाली काँग्रेसका फणिन्द्र न्यौपाने , ४ मा नेपाली काँग्रेसका खेसम तामाङ र वडा नं ५ मा नेपाली काँग्रेसका सन्दिप पौडेल विजयी भएका हुन् ।
नौकुण्ड गाउँपालिकामा नेपाली कांग्रेसका नुर्पुसाङबो घले विजयी भएका छन् । उनले नेकपा एमालेकी सिर्जना लामालाई ४०० मतान्तरले पराजित गरेका हुन् ।
गाउँपालिका उपाध्यक्षमा भने नेकपा एमालेका चन्द्रबहादुर गलान विजयी भएका छन् । वडा अध्यक्षहरूमा १ मा कांग्रेसका कान्छा लामा, २ मा एमालेका ङाफु तामाङ, ३ मा एमालेका नोकेन्द्रदेव मोक्तान, ४ मा कांग्रेसका ज्ञानी वाइवा, ५ मा कांग्रेसका श्यामबहादुर थिङ र ६ मा एमालेका योनुर्पु तामाङ विजयी भएका हुन् ।
आमाछोदिङमो गाउँपालिकामा नेपाली कांग्रेसबाट पुनः बुचुङ तामाङ निर्वाचित भएका छन् । उनले एमालेका फुपुसिङ्गी तामाङलाई ३०० मतान्तरले जितेका हुन् ।
उपाध्यक्षमा कांग्रेसकी चण्डिका तामाङले एमालेकी नविना लामालाई पराजित गरेकी हुन् । वडा अध्यक्षहरू १ मा एमालेका साङ लामा तामाङ, २ मा काँग्रेसका लाक्पाकामी तामाङ, ३ मा एमालेका सुरेन्द्र तामाङ, ४ मा एमालेका धर्म तामाङ र ५ मा कांग्रेसका दावागोम्बो तामाङ विजयी भएका छन् ।
एमालेले जितेका पालिका
उत्तरगया गाउँपालिका अध्यक्षमा एमाले केन्द्रीय सदस्य तथा युवा नेता माधव अर्याल निर्वाचित भएका छन् । उनले निवर्तमान अध्यक्ष उपेन्द्रराज लम्साललाई ४४० मत अन्तरले पराजित गरेका हुन् भने उपाध्यक्षमा चमेली गुरुङ पुन निर्वाचित भइन् ।
उत्तरगया गाउँपालिका वडा नं १ मा वडा अध्यक्षमा नेकपा एमालेका मारसिङ तामाङ, वडा नं २ मा एमालेका टुकुप्रसाद सुवेदी, वडा नं ३ मा एमालेका लालबहालुर लामा, ४ मा नेपाली काग्रेसका अमर बुलुन, ५ मा माओवादी केन्द्रका यमनाथ आचार्य विजय भएका छन् ।
गोसाइँकुण्ड गाउँपालिका अध्यक्षमा नेकपा एमालेका नेता कैसाङनुर्पू तामाङ पुनः विजयी भएका छन् । उनले कांग्रेसका जिल्ला पार्टी सभापति समेत रहेका पेम्बाछिरिङ तामाङलाई ५०० मतअन्तरले पराजित गरे ।
उपाध्यक्षमा नेकपा एमालेकी प्रतिमा लामा विजयी भइन् । उनले नेपाली कांग्रेसकी देकी तामाङलाई ५०० मतान्तरले पराजित गरेकी हुन् । गोसाँइकुण्ड गाउँपालिका वडा नं १ मा उर्केन तामाङ, २ मा नेपाली कांग्रेसका कमीछिरिङ तामाङ, ३ मा नेकपा एमालेका मिङमार तामाङ, ४ मा कांग्रेसका ढिण्डु लामाजाङवा तामाङ, ५ मा नेकपा एमालेका दावामिङमार तामाङ र वडा नं ६ मा नेकपा एमालेका दावासिदार वाइवा छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकाठमाडौं महानगरको सम्पदा यात्राः विपत्तिबाट पाठ सिक्नुपर्नेमा जोड
बैशाख ६, २०८१ बिहिबार
महानगरका महिला जनप्रतिनिधि र कर्मचारीको क्यान्सर जाँच शिविर
बैशाख ४, २०८१ मंगलबार
वैशाख १९ गतेदेखि कामपाले एक महिने ‘सीप मेला’ आयोजन गर्ने
बैशाख ४, २०८१ मंगलबार
निर्माण व्यवसायी संघको अध्यक्षमा भीष्म अधिकारीको दावेदारी
नेपालबहस संवाददाता
बैशाख ४, २०८१ मंगलबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
अभिनेत्री शिल्पाका पति कुन्द्राको ९८ करोड सम्पति जफत
बैशाख ६, २०८१ बिहिबार
प्रदेश प्रमुखबाट संविधान मिच्ने काम भयोः कांग्रेस
बैशाख ६, २०८१ बिहिबार
सिन्धुपाल्चोकमा जन्ती सवार बस दुर्घटना हुँदा ३ जनाको मृत्यु, ५२ घाइते
बैशाख ७, २०८१ शुक्रबार
‘कोर्स करेक्सन’का लागि अब कांग्रेस–एमाले गठबन्धन, देशले कहिलेसम्म अस्थिर दाहाललाई झेल्ने ?
बैशाख ७, २०८१ शुक्रबार
सांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
इन्डिगो एयरलाइन्सको सीटमा १ केजी सुन भेटियो, ल्याउने मान्छे भेटिएन
बैशाख ६, २०८१ बिहिबार
'....नाँकको डाँडीमा लात्तीले हिर्काउनु पर्छ' भन्नेलाई मेरो सुझाव
बैशाख ६, २०८१ बिहिबार