राष्ट्रिय फुटबल टोलीबाट नियमित खेलिरहेका दुई खेलाडी अष्ट्रेलिया पुगे
नेपालबहस संवाददाता
जेठ ५, २०७९ बिहिबार २०:२७:२
५ जेठ, काठमाडौं । राष्ट्रिय फुटबल टोलीबाट नियमित खेलिरहेका दुई खेलाडी अष्ट्रेलिया पुगेका छन् । इतिहास रच्दै पहिलो पटक साफ च्याम्पियनसिपको फाइनल खेलेको टोलीका खेलाडी सुमन लामा र आशिष लामा अष्ट्रेलिया पुगेका हुन् ।
दुवै खेलाडी सुरूमा अष्ट्रेलियाको मेलवर्नमा हुने प्रतियोगिता खेल्न त्यसतर्फ पुगेका थिए । तर, पछि दुवै खेलाडी सधैँका लागि प्रस्थान गरेका छन् । उनीहरूले अखिल नेपाल फुटबल संघ (एन्फा)लाई पनि कुनै जानकारी गराएका छैनन् । यद्यपि, जानुअघि प्रक्रिया पुर्याउन सहयोग भने मागेका थिए ।
‘दुई खेलाडी अष्ट्रेलिया पुगेको सम्बन्धमा हामीलाई कुनै आधिकारिक जानकारी छैन ।’ एन्फा महासचिव इन्द्रमान तुलाधरले न्युज कारखानासँग भने । यता, खेलाडीद्वयले अष्ट्रेलियाको स्थानीय लिग खेल्न पुगेको बताए पनि उनीहरू निकटका साथीहरूले नफर्किने गरि अष्ट्रेलिया गएको बताएका छन् । ‘सुरुमा खेल्न गएको भनेको मात्रै हो । तर, उनीहरू फकर्ने अवस्थामा छैनन् ।’ स्रोत भन्छ ।
यसअघि समेत राष्ट्रिय टोलीका एलन न्यौपाने र हेमन गुरुङ शीर्ष डिभिजन लिग चल्दा अष्ट्रेलियामा प्रतियोगिता खेल्न पुगेका थिए । एलन च्यालसमा आवद्ध थिए भने हेमन मछिन्द्र फुटबल क्लबसँग जोडिएका थिए । तर, दुवै खेलाडी नेपाल फर्किएका छैनन् ।
स्रोतका अनुसार दुवै खेलाडी नेपालमा भविष्य नदेखेको र निरन्तर प्रतियोगिता नहुँदा अष्ट्रेलिया पुगेका हुन् । ‘निरन्तर प्रतियोगिता छैन । कहिले के विवाद कहिले के, त्यसबाट खेलाडी हैरान छन् । जाँदा पनि निकै भावुक थिए ।’ स्रोत भन्छ ।
स्विडिस प्रशिक्षक योहान कालिनको प्रशिक्षणमा आशिषले राष्ट्रिय टिमबाट डेब्यु गरेका थिए । आशिष सशस्त्र प्रहरी बल एपिएफको जागिरे समेत हुन् । उनी एपिएफ फुटबल क्लबबाट व्यवसायिक फुटबल खेल्छन् ।
यता, २६ वर्षीय सुमन भने श्रीलंकाविरुद्ध सन् २०१६ मा डेब्यु गरेका हुन् । त्यसयता उनी टिममा रहेका छन् । एन्फा एकेडेमीका उनले माल्दिभ्समा भएको साफअन्तर्गत श्रीलंकाविरुद्ध ३–२ को जितमा एक गोल गरेका थिए । ए डिभिजन लिग–०७८ पछि सुमनले नेपाल पुलिसको जागिरबाट राजिनामा दिँदै क्लब छाडेका हुन् ।
अघिल्लो साता मात्रै न्युरोड टिम एनआरटीबाट व्यवसायिक फुटबल खेलिरहेका गोलरक्षक अजित प्रजापति अष्ट्रेलिया पुगेका छन् । यस्तै यसै महिना वा अर्को महिनामा ए डिभिजन लिग खेलिरहेका र हाल समेत राष्ट्रिय टोलीमा रहेका एक दर्जन खेलाडी अष्ट्रेलिया पलायन हुनेतर्फ रहेको स्रोत बताउँछ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपरोनाल्डोले जिते युभेन्टससँगको कानुनी लडाई
बैशाख ६, २०८१ बिहिबार
महेन्द्रनगरमा जिल्ला लिग फुटबल प्रतियोगिता सुरु
बैशाख ४, २०८१ मंगलबार
रातो कार्ड पाएका रोनाल्डोलाई दुई खेलको प्रतिबन्ध
बैशाख ४, २०८१ मंगलबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
हार्दिक पाण्डेयलाई १२ लाख जरीवाना
बैशाख ७, २०८१ शुक्रबार
विलासी जीवन जिउने विद्या बालनले किन मागिन भिख ?
बैशाख ७, २०८१ शुक्रबार
त्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी
बैशाख ७, २०८१ शुक्रबार
आइपिएलमा आज दिल्ली र सनराइजर्स खेल्दै
बैशाख ८, २०८१ शनिबार
संस्कृति संरक्षण गर्न दलित समुदायलाई नौमती बाजा
बैशाख ८, २०८१ शनिबार
एसीसी प्रिमियर कप : तेस्रो स्थानको लागि आज नेपाल र हङकङ भिड्दै
बैशाख ८, २०८१ शनिबार
एमालेको प्रतिनिधि परिषद् बैठक आजदेखि, २ हजार ४५४ जना सहभागी हुदै
बैशाख ८, २०८१ शनिबार
आजको राशिफल कस्तो छ ?
बैशाख ८, २०८१ शनिबार
आजको मौसमः कोशी, बागमती, गण्डकी र कर्णाली प्रदेशमा वर्षा हुने
बैशाख ८, २०८१ शनिबार