दार्चुलाका निर्वाचित जनप्रतिनिधिले लिए शपथ र प्रमाणपत्र

५ जेठ, दार्चुला । दार्चुलाका नौ वटै स्थानीय तहमा निर्वाचित नजप्रतिनिधिले शपथ लिएका छन् । बिहीबार मुख्य निर्वाचन अधिकृतको कार्यालय दर्चुलामा जिल्ला न्यायधिस कोमलप्रसाद आचार्यले उनीहरुलाई सपथ ग्रहण गराएका हुन् । प्रमुखले शपथ लिएपछि बाँकी उपाध्यक्ष र उपप्रमुखसहितका जनप्रतिनिधिहरुले पालिकामै शपथ ग्रहण गर्नेछन् ।

दार्चुलाका अधिकांश स्थानीय तहमा नवनिर्वाचित जनप्रतिनिधिहरुलाई निर्वाचित भएको प्रमाणपत्र प्रदान गरिएको छ । लेकम गाउँपालिकामा निर्वाचित भएका सबै पदाधिकारीहरुलाई प्रमाणपत्र प्रदान गरिएको निर्वाचन अधिकृतको कार्यालय रातामाटाले जनाएको छ ।

नगरप्रमुख, उपप्रमुख, गाउँपालिका अध्यक्ष, उपाध्यक्ष, वडा अध्यक्ष र वडा सदस्यहरुलाई प्रमाणत्र प्रदान गरिएको हो । महाकाली, शैल्यशिखर, दुहुँ, अपिहिमाल लगायत अधिकासं स्थानीय तहका निर्वाचित जनप्रतिनिधिहरुले प्रमाणपत्र बुझिसकेको जनाएका छन् ।

स्थानीय तहका जनप्रतिनिधिहरूको पाँच वर्षे पहिलो कार्यकाल सकिएको छ । स्थानीय तहको दोस्रो कार्यकालका लागि गत वैशाख ३० गते सम्पन्न निर्वाचनबाट निर्वाचित जनप्रतिनिधिहरुले जिम्मेवारी प्राप्त गर्ने क्रममा छन् । विजयी भएका अधिकांश जनप्रतिनिधि मतदातालाई धन्यवाद ज्ञापन गर्न घरदैलो अभियानमा लागेका छन् ।