टपगन एकसाता पोस्टपोन्ड हुँदा ‘कबड्डी ४’ ले पायाे राहत

५ जेठ, काठमाडौं । देशभर यति बेला मतगणनाले माहोल तातिरहेका बेला नेपाली चलचित्र ‘कबड्डी ४ ले राहतको महसुस गरेको छ ।

नेपाली चलचित्रको कुरा गर्ने हो भने आगामी साता प्रदर्शनको तयारी रहेको फिल्म ‘कबड्डी ४’ लाई एप्पल इन्टरटेनमेन्टले टम क्रुज स्टारर फिल्म ‘टपगन : माभेरिक’लाई एकसाता पोस्टपोन्ड गरेपछि ठूलो राहतको महसुस गरेको हो ।

भारतसहित विश्व बक्सअफिसमा क्रुजको उक्त फिल्म जेठ १३ गते प्रदर्शन हुँदैछ । नेपालमा पनि सोही मितिमा रिलिजको तयारी भएको थियो तर, एप्पलले फिल्मलाई एकसाता पछाडि रिलिज गर्ने निर्णय गरेको छ ।

सँगै रिलिज हुँदा दुबै फिल्मको ब्यापार प्रभावित हुने भएकाले टपगन फिल्म जेठ २० गते प्रदर्शन गरिने बताइएको छ । तेसो त कोरोना महामारी पछाडि नेपाली बक्सअफिसमा ‘कबड्डी ४’ प्रतीक्षित सिक्वेल हो । कबड्डी निर्माता मणिराम पोखरेलले फिल्म पोस्टपोन्ड गर्ने एप्पलको निर्णय स्वागतयोग्य भएको बताए ।

फिल्ममा दयाहाङ राई, सौगात मल्ल, मिरुना मगर, बुद्धि तामाङ, विजय बराल, कमलमणि नेपाल, जयनन्द लामा, पुष्कर गुरुङ, कविता आले, माओत्से गुरुङ, शारदा गुरुङलगायत कलाकारको अभिनय छ। रामबाबु गुरुङको निर्देशनमा बनेको फिल्म जेठ १३ गते रिलिज हुँदै छ ।