बीरगन्जका दुइ वडा ७ र २७ मा कांग्रेसका महर्जन र कुर्मी विजयी

५ जेठ, बीरगन्ज । वीरगन्ज महानगरपालिका वडा नम्बर ७ र २७ मा नेपाली कांग्रेसले जित हात पारेको छ । वीरगन्ज ७ मा यसअघिको निर्वाचनमा जसपासंग १८ मतको झिनो अन्तरले पराजित भएका कांग्रेसका हिराकाजी महर्जन यसपाली भने जसपाकै उम्मेदवार दिपक महत्तोलाइ १०५ मतले पाखा लगाउदै वडा अध्यक्षमा निर्वाचित भएका छन् ।

महर्जन ५६३ मतका साथ वडाअध्यक्षमा निर्वाचित भएका हुन् । उनका निकटतम प्रतिस्पर्धी जसपाका उमेदवार दिपक महतोले २४९ मत पाए भने नेकपा एमालेका उम्मेदवार अरुण क्षेत्री ४५८ मतमै सिसिमत भए ।

यस्तै वीरगन्ज महानगरपालिका वडा नम्बर २७ मा पनि कांग्रेसका उम्मेदवार हृदयनारायण राउत कुर्मी विजयी भएका छन् । निवर्तमन वडा अध्यक्ष एंव नेकपा एमालेका उम्मेदवार प्रदीप कुमार यादवलाइ ४०५ मतले पाखा लगाउदै कुर्मी वडा अध्यक्षमा निर्वाचित भएका हुन् ।

कुर्मी १५१६ मतका साथ वडाअध्यक्षमा विजयी भएका हुन् । एमालेका प्रदीपले भने १११६ मत र जसपा उमेदवार नागेन्द्र यादवले ४३६ मत मात्रै प्राप्त गरे ।