मोइनमाथि अश्विन भारी, चेन्नईलाई हराउँदै राजस्थान रोयल्स शीर्ष दुईमा

७ जेठ, एजेन्सी । रोमाञ्चक खेलमा राजस्थान रोयल्सले चेन्नई सुपर किंग्सलाई ५ विकेटले पराजित गरेको छ । यो जितसँगै राजस्थानको टोली अंक तालिकाको दोस्रो स्थानमा उक्लिएको छ र अब उसले पहिलो क्वालिफायरमा गुजरात टाइटन्सको सामना गर्नेछ। दुवै टोलीले फाइनल पुग्ने दुई दुई मौका पाउनेछन् ।

 मुम्बईको ब्रेबोर्न स्टेडियममा भएको खेलमा राजस्थानले चेन्नईले दिएको १५१ रनको लक्ष्य पाँच विकेटको क्षतिमा दुई बल बाँकी रहँदै पछ्यायो । राजस्थानका लागि यशस्वी जैसवालले सर्वाधिक ५९ रन बनाए भने रविचन्द्रन आश्विनले २३ बलमा ४० रन बनाएर अविजित रहे ।

राजस्थानका लागि अर्को राम्रो ओभर। अश्विनले मुकेश चौधरीको ओभरमा छक्का प्रहार गर्दै १२ रन बनाए । राजस्थानलाई जितका लागि ६ बलमा ७ रन आवश्यक छ ।