अश्विनले चेन्नईको जबरजस्ती जित खोसे, लखनउलाई उछिन्दै शीर्ष दुईमा पुग्यो

७ जेठ, काठमाडाैं । आईपीएल २०२२ को ६८ औं लिग खेलमा राजस्थान रोयल्सले जित निकालेको छ । सन्जु सामसनको कप्तानीमा रहेको राजस्थान रोयल्सले रोमाञ्चक खेलमा चेन्नई सुपर किंग्सलाई ५ विकेटले पराजित गरेको छ ।

यो जितसँगै राजस्थानको टोली अंक तालिकाको दोस्रो स्थानमा उक्लिएको छ र अब उसले पहिलो क्वालिफायरमा गुजरात टाइटन्सको सामना गर्नेछ। दुवै टोलीले फाइनल पुग्ने दुई दुई मौका पाउनेछन् ।

मुम्बईको ब्रेबोर्न स्टेडियममा भएको खेलमा राजस्थानले चेन्नईले दिएको १५१ रनको लक्ष्य पाँच विकेटको क्षतिमा दुई बल बाँकी रहँदै पछ्यायो । राजस्थानका लागि यशस्वी जैसवालले सर्वाधिक ५९ रन बनाए भने रविचन्द्रन आश्विनले २३ बलमा ४० रन बनाएर अविजित रहे ।