राष्ट्रिय महिला अधिकार मञ्चको चौथो झापा जिल्ला अबिधेशन सम्पन्न

१० असार, झापा । राष्ट्रिय महिला अिधकार मञ्च झापा जिल्लाको चौथो जिल्ला अबिधेशन असार ८ गते दमकमा सम्पन्न भएको छ । राष्ट्रिय महिला अधिकार मञ्चकी जिल्ला अध्यक्ष पुनम बजगाई संग्रौलाको अध्यक्षतामा सम्पन्न उक्त जिल्ला अधिवेशनमा मञ्चका नव निर्वाचित दमक नगर अध्यक्ष रमा लिम्बु, उपाध्यक्ष पवित्रा संग्रौला, सचिव गिता दाहाल लगायतका पदाधिकारीहरु तथा सदस्यहरुको सहभागिता रहेको थियो ।

त्यसका साथै झापा जिल्लाका बिभिन्न पालिकाहरुबाट प्रतिनिधित्व गर्ने महिला अधिकारकर्मीहरुको सहभागिता रहेको मञ्चकी नगर अध्यक्ष रमा लिमबुले बताएकी छन् ।

बिगत ४ बर्ष देखि निरन्तर रुपमा महिला हिंसा र बालबालिकाका अधिकार सुनिश्चितताका लागि कृयाशिल रहदै आएको राष्ट्रिय महिला अधिकार मञ्चले झापा जिल्लामा मात्र नभई छिमेकी जिल्ला ईलामको चुलाचुली, मोरङ्गको उर्लाबारी, पथरी लगायतका क्षेत्रमा समेत महिला हिंसाका बिरुद्धमा कानूनि लडाई समेत लडिरहेको कुरा मञ्चकी केन्दीय सदस्य मन्धरा चिमरिया पौडेलले नेपालबहश डटकमलाई बताएकी हुन ।

जिल्लामा घटेका महिला तथा बालबालिकाहरुका हिंसाका बिरुद्धमा अग्रपङ्गतीमा रहेर बकालत र बहश पैरबीका अभियानहरु सञ्चालन गरिरहेको राष्ट्रिय महिला अधिकार मञ्च झापाले बिभिन्न सामाजिक कार्यहरु सँगसँगै गर्दै आईरहेको छ ।

अभाव र दवावमा रहेका महिलाहरुको साँचो साथीको रुपमा रहदै आएको मञ्चले झापा जिल्लामा महिला हिँसा बिरुद्धका मुद्धाहरुमा निशुल्क पैरबी र पिडितलाई न्याय दिलाउन महत्वपूर्ण कामहरु ग्रिरहेको र आगामी दिनहरुमा यस अभियानलाई थप प्रभावकारी बनाउदै महिला तथा बालबालिकाहरुका पक्षमा काम गर्ने योजना रहेको राष्ट्रिय महिला अधिकार मञ्चकी केन्द्रीय सदस्य तथा झापा जिल्लाकी मलिा नेतृ मन्धरा चिमरियाले बताएकी छन् ।

बाहिर अधिकारका कुरा गरेर हिडिरहँदा घरभित्रै कति महिलाहरु पिडित हुनु परिरहेको तितो यथार्थतालाई स्विकार्नु पर्ने वाध्यताबाट बाहिर आउन अब सबै महिलाहरुले समानता र समान अधिकारको अभियान पनि सँगसँगै अगाडि बढाउन आवश्यक रहेको नव निर्वाचित जिल्ला सह सचिव कबिता उप्रेती बताउँछिन् ।

महिलाहरुले घर थामी दिएकै कारण पुरुषहरु स्वतन्त्र रुपले बाहिर निस्कन पाएको कुरालाई पुरुषहरुले मनन गरिदिने हो भने घर भित्रको महिला हिंसा स्वतः निर्मुल भएर जाने कुरामा मञ्चकी नवनिर्वाचित झापा जिल्ला अध्यक्ष पुनम बजगाई संग्रौलाका भनाई छ । चौथो जिल्ला अबिधेशनले पुनम बजगाँई संग्रौलाको नेतृत्वमा राष्ट्रिय महिला अधिकार मञ्चले १५ सदस्यीय झापा जिल्ला कार्य समिति गठन गरेको छ ।