सडकबाट जिप तल खस्दा ३ जनाको मृत्यु

१२ असार, इलाम । इलामको माङसेबुङ गाउँपालिका-२ दहगाउँमा यात्रुबाहक जिप सडकबाट तल खस्दा ३ जनाको मृत्यु भएको छ।

पाँचथरको रबिबाट झापाको दमकका लागि छुटेको मे १ ज ४८७ नं. को जिप आइतबार मध्याह्न १२ बजे सडकबाट करिब २ सय मिटर तल झरेको जिल्ला प्रहरी कार्यालय इलामले जनाएको छ।

प्रहरीका अनुसार मृत्यु हुनेमा पाँचथर मिक्लाजुङ गाउँपालिका ५ का ६५ वर्षीय हिमप्रसाद लावती, ६० वर्षीया पदमकुमारी लावती र इलामको माङसेबुङ गाउँपालिका ६ का ५० वर्षीय जयकुमार राई छन् ।