लेखापालको कार्यअवधि ८ बर्ष बनाइयो, करोडौंको चलखेल भएको आशंका
नेपालबहस संवाददाता
असार १५, २०७९ बुधबार १९:४१:१९
१५ असार, काठमाडौं । नेपाल प्रहरीमा लेखापालको कार्यअवधि अब ८ बर्षको हुने भएको छ । एकपटक लेखापाल भएपछि ८ वर्षसम्म लेखापालमै बस्नेगरी कार्यविधि संशोधन भएको स्रोतको दावी छ । गृहमन्त्रालयले लेखापालको कार्यविधि संशोधन गरी ६ वर्षबाट ८ वर्ष बनाएको हो ।
यसअघि ६ वर्ष मात्रै थियो । गत हप्ता बसेको पीसीसी बैठकले गृहमन्त्रालयलाई लेखापालको कार्यअवधि संशोधन गरी ६ वर्षबाट ८ वर्ष बनाउन सिफारिस गरेको थियो । सोही आधारमा मन्त्रालयले ८ वर्ष बनाएको स्रोतको दावी छ । स्रोतका अनुसार त्यसका लागि करोडौं चलखेल भएको आशंका गरिएको छ । ‘दुई वर्ष बढाउँदा लेखापालले राम्रै आम्दानी गर्ने भएकाले सामूहिक रुपमा अर्थ संकलन गर्न समस्या छैन’, स्रोतले भन्यो ।
पीसीसी बैठकमा एसएसपीसम्मका प्रहरी अधिकारी रहने व्यवस्था छ । तत्कालिन प्रहरी महानीरिक्षक उपेन्द्रकान्त अर्यालको पालाभन्दा अघि पनि लेखापालको अवधि ८ वर्ष नै थियो । प्रहरी प्रवक्ता एसएसपी विष्णु केसीले प्रहरीको कार्यविधि परिमार्जन गर्ने विषयमा छलफल भएकाे बताए । ‘पीसीसीको बैठकमा लेखापालको अवधि ८ वर्ष राख्ने विषयमा छलफल भएको छ’, केसीले भने । पीसीसीले छलफलपछि ८ बर्ष बनाउने सर्वसम्मत निर्णय गरेको केसीले बताए । नेपाल प्रहरीका ४ प्रकारका यूनिटहरुमा २-२ बर्ष दिऊ भन्ने उद्देश्यले यस्तो निर्णय गरिएको उनले दावी गरे । प्रहरीमा कार्यालयको स्तर अनुसार क ख ग घ वर्गमा वर्गीकरण गरिएकोले सोही अनुसार ८ बर्ष बनाइएको प्रवक्ता केसीले बताए ।
मन्त्रालयको कार्यविधिपछि आन्तरिक कार्यविधि परिर्वतन भए लेखापालबाट बाहिरिने करिब ६३ जना लेखापाल लेखाबाट बाहिरिनबाट जोगिने भएका छन् । हाल देशभरका प्रहरी कार्यालयमा डेढ सयभन्दा बढी लेखापाल छन् ।
झापाका केदार सापकोटा, काभ्रेका विष्णु थापा, राजेन्द्र खनाल कपिलवस्तु, नरबहादुर खत्री दाङ, कपिल शर्मा बर्दिया, गणेश थापा लगायतको चलखेलका कारण आठ वर्ष पुगेको हो । यी मध्ये विष्णु थापा महानगरीय अपराध महाशाखाबाट सोर्स लगाएर नियमविपरित काभ्रे गएका थिए । त्यस्तै कपिल शर्मा महानगरीय प्रहरी परिसर काठमाडौंबाट बर्दिया गएका हुन् । उनी पनि शक्तिकेन्द्रलाई मनाएर बर्दिया पुगेका हुन् । जो नियम विपरित हो । त्यस्तै गणेश थापाले तालिम पनि एक्लै गरेको र क वर्गबाट क वर्गकै स्थानमा फड्को मार्ने सई मध्ये एक हुन् ।
उनीहरुकै कारण लामो समयदेखि प्रहरीमा लेखापालको सरुवा रोकिएको थियो । चालु आर्थिक वर्षको सुरुवातमै हुनुपर्ने थियो तर विभिन्न चलखेलका कारण रोकिएकाे सरुवा अबको केही दिनमा हुने भएको छ । तत्कालीन समयमा शक्तिकेन्द्रको दबाब झेल्न नसकेर तत्कालीन प्रहरी महानिरीक्षक (आईजीपी) शैलेश थापा क्षेत्रीले लेखापालको सरुवा अवधि पुग्दा पनि सरुवा गर्न सकेनन् ।
बढी बजेट हुने कार्यालयमा जान लेखापालहरूले विभिन्न शक्तिकेन्द्रमार्फत दबाब दिन थालेपछि नियमित सरुवा नै रोकिएको थियो । । त्यही कारण पुरानै लेखापालहरूले चालु आर्थिक वर्षको बजेट चलाएका थिए । जसका कारण प्रहरी कर्मचारीले चालु वर्षको साउन महिनाको तलब पाउनसमेत केही ढिलाइ भएको थियो । प्रहरी प्रधान कार्यालयको आन्तरिक व्यवस्थाअनुसार लेखापालले एक कार्यालयमा २ वर्ष काम गर्ने अवसर पाउँछन् । तेस्रो वर्षदेखि भने बजेट चलाउन पाउँदैन ।
त्यही कारण तत्कालीन आईजीपी क्षेत्रीले तलब खुवाउनकै लागि भएपनि पुरानै लेखापाललाई चालु आर्थिक वर्ष २०७८/७९ को बजेटबाट तलब दिन प्रहरी प्रधान कार्यालयले विभिन्न कार्यालयलाई पत्राचार गरेका थिए । अब भने आर्थिक वर्ष सुरु हुन लागेपछि सरुवाको तयारी थालिएको छ । प्रहरी सहायक निरीक्षकदेखि निरीक्षक दर्जाका प्रहरीले एकपटक लेखासम्बन्धी तालिम गरेपछि ६ वर्षसम्म लेखामै बस्ने व्यवस्था छ ।
प्रहरी प्रधान कार्यालयले जिल्ला तथा आकर्षक कार्यालयलाई ‘क’ वर्गमा राखेर सरुवा गर्ने गरेको छ । शक्तिकेन्द्र नजिकका कतिपय लेखापालले ६ वर्ष पूरा भएर पनि दोहोरिन खोजेपछि सरुवामा अवरोध भएको थियो । एक प्रहरी कार्यालयका लागि आवश्यक पर्ने एक वर्षको बजेट सुरुमै निकासा हुने गर्छ । एकमुष्ट रकम आउने उक्त बजेट चलाउन पाउने भएकाले ठूलो बजेट आउने कार्यालयमा सरुवा हुन लेखापालहरुबीच अस्वस्थ प्रतिस्पर्धा हुँदै आएको छ ।
लेखापालको तालिम प्रवेशदेखि नै सरुवासम्ममा आकर्षक जिल्लामा जानका लागि पैसा र पहुँचको प्रयोग बढी हुन थालेको भन्दै तत्कालीन आइजीपी उपेन्द्रकान्त अर्याल आईजीपी हुँदा ’पोलिस कोअर्डिनेसन कमिटी (पीसीसी)’बाट सुरुमा आठ वर्षे नीति लाई ६ वर्षमा झारिएको थियो । आठ वर्षसम्म लेखापालमा रहने व्यवस्थालाई पछि ६ वर्षमा झारिएपछि केही असन्तुष्टि बढेको थियो । असईदेखि इन्स्पेक्टरसम्मका दर्जाहरु लेखापाल बन्नसक्ने व्यवस्था छ । सानो–ठूलो कार्यालयअनुसार असईदेखि इन्स्पेक्टरसम्मका लेखापाल हुने गर्छन् ।
एक प्रहरी कार्यालयका लागि वर्षभरिमा चाहिने बजेट एकमुष्ट आउने भएकाले प्रहरीमा लेखापाल निकै आकर्षक मानिन्छ । विभिन्न टीए, डीए, रासनभत्ता, तलबलगायतका लागि आएका बजेट खर्च लेखापालमार्फत् नै हुने भएपछि लेखापालको तालिम गर्नसमेत चलखेल हुँदै आएको छ । ‘क’ वर्गका कार्यालय वा जिल्लाबाट ‘क’ मै सरुवा नगर्ने नीति छ । बजेट धेरै आउने हुँदा अधिकांश लेखापालहरुले ‘क’ वर्गको कार्यालयमा सरुवा हुन शक्तिकेन्द्रमार्फत दबाब दिने गरेका छन् ।
र याे पनिः
प्रहरीका लेखापालहरु कति शक्तिशाली ? ६ बर्षे प्रावधान हटाउन ६३ जनाकाे दौडधुप
प्रहरीका ६३ जना लेखापालद्धारा ६ वर्षे प्रावधान हटाउन १ कराेड २६ लाख आर्थिक संकलन !
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
प्रदेश सरकारमा संकट पार्दै वैकल्पिक गठबन्धन निर्माणमा नेकपा एसको प्रयास
बैशाख ४, २०८१ मंगलबार
सत्ता गठबन्धनमा नेकपा एसको काउण्टर अट्याक, के होला उपनिर्वाचनपछि सरकारको अवस्था ?
बैशाख ३, २०८१ सोमबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
हार्दिक पाण्डेयलाई १२ लाख जरीवाना
बैशाख ७, २०८१ शुक्रबार
विलासी जीवन जिउने विद्या बालनले किन मागिन भिख ?
बैशाख ७, २०८१ शुक्रबार
त्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी
बैशाख ७, २०८१ शुक्रबार
भारतले रोक्यो नेपाली चियाको निर्यात
बैशाख ७, २०८१ शुक्रबार
संसदीय समितिमा फास्ट ट्रयाकबारे सेनाको बिफ्रिङ
बैशाख ७, २०८१ शुक्रबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
एसीसी प्रिमियर कपको फाइनलमा ओमान र युएई भिड्ने
बैशाख ७, २०८१ शुक्रबार
नेशनल पेमेन्ट गेटवे भ्रष्टाचार प्रकरणमा सुनिल पौडेल दोषी ठहर, ८ जनाले पाए सफाइ
बैशाख ७, २०८१ शुक्रबार
धरौटी बुझाउन नसकेपछि दीपेश पुनलाई जेल पठाइयो
बैशाख ७, २०८१ शुक्रबार