दक्षिण कोरियामा ९ हजार ५९५ नयाँ संक्रमित

१६ असार, एजेन्सी । दक्षिण कोरियामा गत २४ घण्टामा ‘बुधबार मध्यरातसम्म’ ९ हजार ५९५ नयाँ कोभिड-१९ का संक्रमित फेला पारेका छन् । यो सँगै संक्रमितको कुल सङ्ख्या १८,३५९,३४१ पुगेको स्वास्थ्य अधिकारीहरूले बिहीबार जानकारी दिएका छन् ।

दैनिक संक्रमितको सङ्ख्या अघिल्लो दिन १०,४६३ बाट घटेको बताइएको छ । तर कोरिया रोग नियन्त्रण तथा रोकथाम एजेन्सीका अनुसार यो एक हप्ता अघिको ७, ४९३ भन्दा बढी थियो। गम्भीर अवस्थामा रहेका संक्रमितको सङ्ख्या अघिल्लो दिनको तुलनामा पाँचले कम भएर ५४ पुगेको छ ।

थप १० जनाको मृत्यु भएको पुष्टि भएको छ जसबाट मृत्यु हुनेको सङ्ख्या २४,५४७ पुगेको छ। कुल मृत्यु दर ०।१३ प्रतिशत देखिएको छ ।