यसरी ठग्छ, मानव कल्याण बचत तथा ऋण सहकारी संस्थाले, निक्षेपकर्ता पनि मारमा

२१ साउन, काठमाडौं । डिभिजन सहकारी कार्यालय काठमाडौंमा दर्ता कायम रहेको मानव कल्याण बचत तथा ऋण सहकारी संस्ठा लि।ले जनताको निक्षेप दुरुपयोग गर्दै ऋणीहरुलाई ठगी गरेको प्रमाण भेटिएको छ ।

दर्ता नम्बर १८८७/०६५/०६६ कामपा वडा नं.३१ शान्तिनगरमा रहेको यो सहकारीले गरेको कर्जा प्रवाहमा पासवुक हराएको भन्दै ऋणीलाई तीन गुणा रकम तिर्न आदेश दिएको सुचना हामीलाई प्राप्त भएको छ । यो सहकारी ऐन विपरितको कार्य हो । सहकारी ऐन २०४८ विपरित उक्त मानव कल्याण सहकारीले कर्जाको तीन दोब्बर रकम जम्मा गर्दा झन बढी कर्जा (ऋण) देखाएको छ । यो प्रचलित कानुन र सहकारी ऐन २०४८ विपरितको कार्य हो ।

सरकारको फितलो अनुगमन र घुषखोरीकै कारण सर्वसाधारण निक्षेपकर्ताहरु सहकारीबाट ठगिदै आएका छन् । राजनीतिक दल, तिनका भातृसंस्था र सरकारमा रहेका उच्च पदस्थ अधिकारीहरुले गतल कार्य गर्ने यस्ताखाले वित्तीय संस्थालाई संरक्षण गरेको उदाहरण थूप्रै छन् । गृह मन्त्रालय ,गृहमन्त्री,गृहसचिव लगालयतका उच्च पदस्था पदाधिकारीहरु पनि सरकारीमा संलग्न रहेको बिना अनुमति सामाजिक सञ्जालमा फोटो र नाम सार्वजनिक गर्दै अधिकांश सहकारी संस्थाले निक्षेपकर्ता र ऋणीहरुलाई ठग्दै आएका छन् । नेपालबहससँग त्यो प्रमाण सुरक्षित छ ।

समाचार अनुसार ऋण खाता नं.२९०३ मानव कल्याण,बचत तथा ऋण सहकारी संस्था लि.बाट विवश ढुङ्गानाले जग्गा धितो राखेर १० लाख कर्जा निकाले । तर उनको हातमा ९ लाख मात्र प¥यो । ढुङ्गानाले गत ०७७ साल फागुन १९ मा १० लाख ऋण लिएका थिए । उनको ऋण चुक्ता मिति २०७८/११/१८ रहेको थियो । वार्षिक ब्याजदर १६ प्रतिशतमा ढुङ्गानाले उक्त ऋण लिएका थिए । ऋणी ढुङ्गानाले कोभिड निषेद्याज्ञा आगाडि ५ लाख भुक्तानी पनि गरे ।

त्यसपछि उक्त सहकारीका सञ्चालकहरुले पासवुक हराएको भन्ने बहाना बनाएर ऋृणीलाई नै कारोवार देखाउन मानेनन् । निषेद्याज्ञामा पनि उनलाइृ कुनै छुट दिइएन । १० लाखमा ५ लाख ऋण चुक्ता गरेपछि पनि उल्टै मानव कल्याण सहकारीले ऋृणी ढुङ्गानाले सरकारीलाई १५ लाख ३३ हजार तिर्नुपर्ने भन्दै ऋणको भार बोकायो ।

त्यसपछि पनि उनले थप ९ लाख ऋण भुक्तानी गरेर खाता नवीकरण गर्न जाँदा अझै १२ लाख कर्जाको कागज बनाउन खोज्यो । तर ऋणीले त्यो सहकारीको ठगीधन्दामा सर्मथन जनाएनन् । वर्तमान ऐन, कानुन बमोजिम न्यायको खोजीमा लाग्ने निर्णय गरेको ढुङ्गानाले नेपालबहसलाई बताए ।

त्यसैगरी शशिकान्त चौधरीले बिना धितो उक्त मानव कल्याण सहकारीबाट ५ लाख ऋण लिए । ५ लाख ऋण निकालेकोमा चौधरीको हातमा ४ लाख मात्रै प¥यो । चौधरीलाई पनि त्यसै गरी ठगियो । २ लाख कर्जा (ऋण) चुक्ता गरेर पासवुक नवीकरण गर्न जाँदा थप ७ लाख ६५ हजार ऋण बनाएर नवीकरण गर्न बाध्य पारिएको उनले नेपालबहसलाई बताए ।

चौधरीले त्यसभन्दा पहिला ४ लाख बुझाईसकेका थिए । यसरी मानव कल्याण बचत तथा ऋण सहकारी संस्थालाई ६ लाख भुक्तानी गर्दा पनि सहकारीले उल्टै सात लाख ६५ हजार ऋण चौधरीको थाप्लोमा झुण्डाएको छ । एण्टी करप्सन टीमले उक्त मानव कल्याण बचत तथा ऋण सहकारी संस्थाको बारेमा थप अनुसन्धान गरिरहेको छ ।