सशस्त्रमा एसपी जोगाउन हवल्दार साहुको जागिरलाई ‘बलि’
नेपालबहस संवाददाता
साउन २९, २०७९ आइतबार १७:५२:५९
२९ साउन, काठमाडौं । सशस्त्र प्रहरी बलको कानुन शाखामा कार्यरत एकजना अधिकृतको सनकको भरमा वरिष्ठ हवल्दार नरेशसिंह साहुको जागिर बलि चढाइएको छ । दार्चुलाको सशस्त्र प्रहरी बल नेपाल नम्बर ४४ गणमा कार्यरत कामु वरिष्ठ हवल्दार नरेशसिंह साहुले त्यहाँका गणपति त्रिभुवन विष्टले राशनमा गरेको अनियमिताबारे सञ्चारकर्मीलाई सूचना चुहाएको आरोपलाई हातहतियार गोली गठ्ठासँग जोडेर उनलाई जागिरबाट बर्खास्तसहित जेल सजायको फैसला गरी जागिर बलि चढाइएको हो । कानुन शाखामा कार्यरत एसपी युवराज अर्यालले आफ्ना समकक्षी एसपी त्रिभुवन विष्टलाई जोगाउन उनले हवल्दारलाई सजाय हुने फैसला सुनाएका हुन् ।
साहुले ४४ नम्बर गण मुख्यालय खलङ्गाभित्रको रासन भत्तामा गणका हाकिमले अनियमितता गरेको सूचना बाहिर ल्याइदिएका थिए । गणभित्रको हाजिरी विवरण मात्र उपलब्ध गराएका उनलाई हातहतियार र गोलीगठ्ठासहितको विवरण अनधिकृत व्यक्तिलाई उपलब्ध गराएको अपराध र कपटपूर्ण अभियोग कानुन शाखाका एसपी अर्यालले लगाएका छन् ।
‘ठूलालाई चैन, सानालाई ऐन भनेझैं अर्यालले यस्तो अभियोग लगाउनुका पछाडि एसपी विष्टलाई जोगाउने उदेश्य रहेको र विष्टबाट लाखौं रुपैयाँ आर्थिक लाभ लिएका कारण साहूलाई हातहतियारको विवरण पनि जोडिएको हो’, सशस्त्र मुख्यालय स्रोतले भन्यो । स्रोतका अनुसार अर्याल आफै सिपाही सरुवाबाट पाँच हजारदेखि रकम उठाउने गरेका व्यक्ति भएकाले पनि उनले कामु हवल्दार साहूलाई सो आरोप लगाएका हुन् ।
उक्त गणमा कार्यरत २५८ मध्ये १२२ जना सुरक्षाकर्मी एकै दिन अनुपस्थित भएको विवरणसहित गत २८ जेठमा धनगढीबाट सञ्चालित एक अनलाइनमा समाचार सार्वजनिक भएको थियो । केही दिन उपस्थित र अनुपस्थित प्रहरी कर्मचारीको संख्यात्मक विवरणसहित समाचार सम्प्रेषण भएको थियो । सशस्त्र प्रहरी उपरीक्षक (एसपी) त्रिभुवन बिष्ट सशस्त्र प्रहरी बल नेपाल नम्बर ४४ गणका प्रमुख छन् । एसपी बिष्टले गणमा आर्थिक अनियमितता गरेको सूचना साहुले पत्रकार भनिएका सन्तोष सिंह ठगुन्नालाई दिएका थिए । त्यसपछि पत्रकारले समाचार प्रकाशन गरे। उक्त समाचार प्रकाशन भएपछि स्रोतको संरक्षण गनुपर्नेमा उल्टै ती पत्रकारले स्रोतको पोल खोलेपछि हवल्दार साहु विवादमा तानिएका हुन्।
उनले गणमै गएर हवल्दार साहुले नै आफूलाई सूचना दिएको भनी बयान दिएका थिए। सशस्त्र प्रहरीभित्रको बेथिति उजागर भएपछि केही सुधार हुने आसमा रहेका साहु अहिले सशस्त्र मूख्यालयको कानुन शाखाका एसपी अर्यालको अपराधिक फन्दामा परेका छन् ।
गत ३० जेठमा साहुलाई दार्चुलाबाट धनगढीको अत्तरियास्थित बाहिनी हुँदै सशस्त्र प्रहरीको हेडक्वार्टर हल्चोक ल्याइएको थियो । फौजी सङ्गठनको आन्तरिक सूचना चुहाउनु अपराध हो । सङ्गठनको गोप्य र सम्वेदनशील सूचना भाइरबरलगायत सामाजिक सञ्जालमार्फत सञ्चार माध्यमलाई उपलब्ध गराएको अभियोगमा हवल्दार साहुमाथि सङ्गठनले जेल सजायसहितको कारवाही सुनाएको छ । हाल हवल्दार साहु पुर्पक्षका लागि डिल्लीबजार कारगारमा छन् ।
सशस्त्र प्रहरी नियामवलीमा ‘सुरक्षासँग सम्बन्धित सूचना तथा खबरहरू राष्ट्रिय वा अन्तर्राष्ट्रिय अनधिकृत व्यक्ति, संस्था वा समूहलाई उपलब्ध गराएमा, गराउन प्रयास गरेमा वा कसैलाई त्यस्तो गर्न दुरुत्साहन गरेमा’ जन्मकैदको सजाय हुने व्यवस्था छ। सोहीअनुरूप साहुविरुद्ध मुद्दा दर्ता भएको थियो ।
साहुविरुद्ध दायर गरिएको अभियोगपत्रमा ‘सशस्त्र प्रहरी बल नेपाल नम्बर ४४ गण हेडक्वार्टर दार्चुलाका हवल्दार मेजर सशस्त्र प्रहरी वरिष्ठ हवल्दार खिमसिंह बिष्टले मिति २०७९/०२/२८ गते नम्बर ४४ गण हेडक्वार्टर दार्चुलाको आन्तरिक गोप्य सूचना हातहतियार गोलीगठ्ठा तथा जनशक्ति विवरणसमेत खुल्ने गरी सूचनाहरू स्थानीय पत्रकारमार्फत प्रसारण गर्न लगाएको साथै गणको आन्तरिक तथा सङ्गठनमा आँच आउने र सङ्गठनलाई प्रत्यक्ष असर पर्ने खालको गतिविधि गरेकोले सशस्त्र प्रहरी बल नम्बर २५ गण हेडक्वार्टर पर्वत दरबन्दी भई हाल नं. ४४ गण हेडक्वार्टर दार्चुलामा कार्यरत नरेशसिंह साहुलाई हदैसम्म कारबाही गरी पाऊँ’ भनिएको थियो । कानुन शाखाका अर्यालले त्यहाँका वरिष्ठ हवल्दार विष्टलाई धम्क्याएर सो उजुरी गर्न लगाएका थिए ।
सशस्त्र प्रहरीको विशेष अदालतमा मुद्दा दर्ता भएपछि हवल्दार साहुले सशस्त्र प्रहरी ऐन २०५८ को दफा २७ को उपदफा १ को (च) बमोजिम कसुर गरेको आरोप जर्वजस्ती पुष्टि गराइयो ।
सशस्त्र प्रहरीका विभिन्न यूनिटभित्र एकैपटक सयौँ सुरक्षाकर्मीलाई बिदा छाडेर उनीहरूको रासन भत्ता बाँडीचुँडी खाने गरेको आरोप धेरै वर्षदेखि लाग्दै आएको छ । त्यसो भए ४४ नम्बर गणका सुरक्षाकर्मी बिदा बस्दा जोगिएको रासनको रकम एसपी बिष्टको खातामा जम्मा भएको विषयलाई सशस्त्र प्रहरीको कानुन शाखा मौन रहनुले दुवैजनाको मिलिभगत रहेको स्रोतको दावी छ । यसले गर्दा संगठन प्रमुख आईजीपी राजु अर्याललाई पनि विवादमा तान्ने प्रयास गरिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थप२३ किलो चरेशसहित एक व्यक्ति नियन्त्रणमा
बैशाख ४, २०८१ मंगलबार
सशस्त्रको नायव महानिरीक्षकमा पदोन्नति भएका अधिकारीलाई दर्ज्यानी चिन्ह प्रदान
बैशाख ३, २०८१ सोमबार
सशस्त्रको स्टोरमा भएको आगलागीबारे छानबिन गर्न गृहले पनि बनायो समिति
चैत २७, २०८० मंगलबार
निर्माण व्यवसायी संघको अध्यक्षमा भीष्म अधिकारीको दावेदारी
नेपालबहस संवाददाता
बैशाख ४, २०८१ मंगलबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
अभिनेत्री शिल्पाका पति कुन्द्राको ९८ करोड सम्पति जफत
बैशाख ६, २०८१ बिहिबार
प्रदेश प्रमुखबाट संविधान मिच्ने काम भयोः कांग्रेस
बैशाख ६, २०८१ बिहिबार
युएईविरुद्ध नेपालको खराब शुरुवात, दुवै ओपनर गुमायो
बैशाख ७, २०८१ शुक्रबार
काठमाडौंमा कक्षा १२ को परीक्षाका केन्द्रहरू स्वचालित विधिबाट तोकियो
बैशाख ७, २०८१ शुक्रबार
युएईविरुद्ध नेपालको खराब शुरुवात, पहिलो बलमा कुशल भुर्तेल आउट
बैशाख ७, २०८१ शुक्रबार
आइपिएलमा आज लखनउ सुपर जाइन्ट र चेन्नई सुपर किंग्सबीच खेल हुँदै
बैशाख ७, २०८१ शुक्रबार
सलमानको घर ग्यालेक्सी अपार्टमेन्ट गोली काण्डपछि बढाइयो शाहरूखको सुरक्षा
बैशाख ७, २०८१ शुक्रबार
मध्यपश्चिम विश्वविद्यालयको उपकुलपतिमा, खड्का, गौतम र सिंहको नाम सिफारिस
बैशाख ७, २०८१ शुक्रबार