व्यवस्थाप्रति पात्र बदलिए पनि प्रवृत्ति बदलिएन : उपसभापति गुरुङ

३० साउन, काठमाडौं । नेपाली कांग्रेसका उपसभापति धनराज गुरुङले आम निर्वाचनको घोषणा भएसँगै जनप्रतिनिधिलाई अभिमुखीकरण सुशासनका लागि भएको बताएका छन् ।

पाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानद्वारा सोमबार ललितपुरमा आयोजित बधाई तथा शुभकामना तथा अभिमुखीकरण कार्यक्रमको उद्घाटन सत्रमा बोल्दै उपसभापति गुरुङले व्यवस्थाप्रति पात्र बदलिए पनि प्रवृत्ति बदलिएन भन्ने जनगुनासो रहेको बताए ।

‘सिंहदरबारको अधिकार गाउँगाउँमा भनिए पनि, सिंहदरबारको भ्रष्टाचार गाउँ-गाउँमा पुगेको छ । काठमाडौंबाट फर्किँदै गर्दा सुशासन तपाईंहरूको कार्यसम्पादनमा पुग्छ भन्ने विश्वास कांग्रेसलाई छ‚’ कार्यकर्तालाई सम्बोधन गर्दै उनले भने । जनताका लागि खुल्ला किताब बन्न आग्रह गर्दै उपसभापति गुरुङले कार्यकर्तालाई पारदर्शी बन्न आग्रह गरे ।