माओवादी बैठक एजेण्डामा केन्द्रीत, भोलि पदाधिकारी प्रस्ताव ल्याउने

१ भदौ, काठमाडौं । नेकपा माओवादी केन्द्रले बिहीबार पदाधिकारीहरुको प्रस्ताव ल्याउने भएको छ । बुधबार बसेको माओवादी केन्द्रको स्थायी कमिटी बैठकमा पार्टी कमिटीलाई पूर्णता दिनेबारे बृहद छलफल भएको छ ।

आजको बैठकमा संगठन सम्बन्धी एजेण्डामा केन्द्रीत रहेकाले केन्द्रीय कमिटीमा थप्नुपर्ने केही सदस्य, पोलिटब्युरो र स्थायी कमिटीलाई पूर्णता दिँदै पदाधिकारी टुंग्याउनेगरी छलफल अघि बढेको बताइएको छ । माओवादी केन्द्रको महाधिवेशन गत पुसमा भएपनि पदाधिकारी टुंग्याउन अझै सकेको छैनन ।