मोवाईल बैंकिङको फण्ड ट्रान्सफरमा ‘ट्वीस्ट अफ टु अफर’

२१ भदौ, काठमाडौं । नेपाल क्लियरिङ हाउस लिमिटेडले आफ्ना सदस्य बैंक तथा वित्तीय संस्थाहरुसँगको सहकार्यमा मोवाइल बैंकिङबाट गरिने फण्ड ट्रान्सफरमा ‘ट्वीस्ट अफ टु’ अफर सार्वजनिक गरेको छ ।

याे अफर अन्तर्गत हरेक हप्ता मोवाइल बैकिङको प्लेटफर्मबाट कम्तीमा दुईवटा फण्ड ट्रान्सफर गर्ने मोवाइल बैंकिङ प्रयोगकर्ताहरुमध्ये १०२ जनाले रु। १०२ क्यासब्याक प्राप्त गर्न सक्नेछन् ।

याे अफर भदौ १९ देखि असोज २९ गतेसम्म लागु हुनेछ । आईतबारदेखि शनिबारसम्मको समयावधिमा लकी ड्र मार्फत साप्ताहिक विजेताहरु छानिने छन् र सोको जानकारी हरेक हप्ताको अन्त्य पछी वेबसाइटमा प्रकाशन गरिने कम्पनीले जनाएको छ ।

फण्ड ट्रान्सफर गर्नका निम्ती आफ्नो मोवाइल बैंकिङ एपमा लग–इन गरी, फण्ड ट्रान्सफर वा सेण्ड मनीमा क्लिक गरी फण्ड ट्रान्सफर गर्न कनेक्टआईपीएसलाई छनोट गर्नुपर्ने हुन्छ । कनेक्ट आईपीएस फण्ड ट्रान्सफर तथा यसको च्यानल प्लेटफर्म एनपीएस अन्तर्गतको रिटेल पेमेन्ट स्विच मार्फत सञ्चालनमा रहेको छ ।

कनेक्टआईपीएस मार्फत चालु आर्थिक वर्षको करिब देढ महिनामा रु। ३९५ अर्ब बराबरको ५२ लाख भन्दा बढी भुक्तानी कारोबार फछर््यौट भइसकेको कम्पनीले जनाएको छ ।