बर्दियाका साथीहरुलाई धन्यवाद प्रकट गर्दै लुम्बिनीका सभापति पुनले गरे रोल्पाबाटै निर्वाचन लड्ने घोषणा

२२ भदौ, काठमाडौं । नेपाली कांग्रेस लुम्बिनी प्रदेशका सभापति अमरसिंह पुनले रोल्पाबाटै निर्वाचन लड्ने बताएका छन् । उम्मेदवारको लागि नाम सिफारिस गरि सद्भाव प्रकट गरिदिएकोमा धन्यवाद व्यक्त गर्दै सभापति पुनले बर्दिया १ बाट आधिकारिक उम्मेद्वारी नरहेको बताएका हुन् ।

पुन रोल्पाबाटै निर्वाचन लड्ने तयारी गरिरहेको समयमा नेपाली कांग्रेस बर्दिया प्रतिनिधिसभा क्षेत्र न. १ को क्षेत्रीय समितिका सभापतिले नेपाली कांग्रेस लुम्बिनी प्रदेशका सभापति पुनको नाम समेत सिफारिस गरेको सम्बन्धमा एक प्रेस विज्ञाप्ति जारी गर्दै पुनले ‘उम्मेदवारको लागि सिफारिस गरि सद्भाव प्रकट गरिदिएकोमा धन्यवाद व्यक्त गर्दै बर्दिया १ मा अमरसिंह पुन आधिकारिक उम्मेद्वार नरहेको जानकारी गराएका छन् ।

सभापति पुन लुम्बिनी प्रदेशमा मुख्यमन्त्रीका प्रमुख दाबेदार हुन । उनी कांग्रेस वरिष्ठ नेता डा. शेखर कोइराला पक्षका हुन् ।  स्रोतका अनुसार रोल्पाबाट प्रतिनिधिसभाको प्रत्यक्षतर्फ प्रदेश सभापति पुनसहित टेकबहादुर बस्नेत र शंकरबहादुर छन्त्यालको नाम सिफारिस भएको छ । तर प्रदेशसभा ख को प्रत्यक्षतर्फ अमरसिंह पुन मगरको एकल नाम सिफारिस भएको छ ।

गठबन्धन दलबीच तालमेल हुँदा प्रतिनिधिसभामा रोल्पा माओवादी केन्द्रलाई पर्ने निश्चित जस्तै छ । जहाँबाट वर्षमान पुनले दाबी गरिरहेका छन् । तर कांग्रेसले रोल्पाको प्रदेशसभा ख लिने सम्भावना धेरै छ । जुन क्षेत्रबाट प्रदेश सभापति पुनको एकल सिफारिस परेको स्वकीय सचिव योगेन्द्र अनुपम जी.सी.ले नेपालबहस डटकमलाई बताए ।

उनी लुम्बिनीको मुख्यमन्त्री बन्ने प्रयास स्वरुप प्रदेशसभामा लड्ने तयारी गरेको पुनको सचिवालयले जनाएको छ । केही दिनअघि बुटवलमा आयोजित कार्यक्रममा प्रदेश सभापति पुनले प्रदेशसभामा आफू लड्न सक्ने संकेत गरेका थिए ।