समानुपातिक उम्मेदवार छान्न एमालेको केन्द्रीय सचिवालय बैठक बालकोटमा जारी
नेपालबहस संवाददाता
असोज २, २०७९ आइतबार २३:७:२९
२ असोज, काठमाडौं । समानुपातिकतर्फका उम्मेदवारहरुको बन्दसूची तयार गर्न बसेको नेकपा एमालेको केन्द्रीय सचिवालय बैठक बालकोटमा जारी छ । यो बैठकले आगामी ४ मंसिरमा हुन प्रतिनिधिसभा तथा प्रदेशसभा निर्वाचनका लागि समानुपातिक उम्मेदवारको सूची टुङ्याउने बताइएको छ । समानुपातिक प्रणालीतर्फ उम्मेदवारको बन्दसूची असोज २ र ३ मा बुझाउने निर्वाचन आयोगको कार्यतालिका छ ।
राजनीतिक दलहरू समानुपातिक उम्मेदवारको सूची बनाउन गृहकार्यमा जुटिरहेका बेला देशभरबाट आकांक्षी नेता दलबलसहित राजधानीमा ओइरिएका छन् । देशव्यापी तालमेल नगर्ने निर्णय लिएको एमालेले प्रत्यक्षमा अन्य दलभन्दा बढी उम्मेदवार उठाउने सम्भावना छ । एमालेको केन्द्रीय निर्वाचन विभागका अनुसार प्रत्यक्षतर्फ प्रतिनिधिसभाका लागि करिब ८ सय र प्रदेशसभाका लागि करिब ११ सयको नाम सिफारिस भएको छ ।
प्रतिनिधिसभा र प्रदेशसभाको समानुपातिकका लागि करिब १९ सय नाम सिफारिस भएका छन् । पार्टीले प्रक्रिया, मापदण्ड र विधि अनुसार सबै नाम आएका र पार्टीको जिल्ला, प्रदेश, निर्वाचन कमिटी हुँदै तहगत ढंगबाट सिफारिस भएका नाम केन्द्रीय कार्यालयमा प्राप्त भएलगत्तै एउटा फरम्याटमा राखेर छलफल भइरहेको बताइएको छ ।
समानुपातिकका लागि सामाजिक सन्तुलन र समावेशितालाई ध्यान दिएर नै केन्द्रीय कार्यालयमा नाम सिफारिस भएका छन् । एमालेले समानुपातिकमा नदोहोर्याउने र अवसरलाई न्यायोचित ढंगले वितरण गर्ने विधि अपनाएको बताएको छ । पार्टी नीति र कार्यक्रमप्रतिको प्रतिबद्धता, लोकप्रियता र विजयको सुनिश्चितता, पार्टीप्रतिको निष्ठा र आन्दोलनमा योगदान, सन्तुलन र समावेशितालाई ध्यान दिँदै नाम सिफारिस गर्न एमालेले केन्द्रीय सचिवलय बैठक बोलाएको हो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसभामुख नेतृत्वको प्रतिनिधिमण्डल स्वदेश फिर्ता
चैत १६, २०८० शुक्रबार
सरकारले तोक्यो चैते धानको समर्थन मूल्य
चैत १५, २०८० बिहिबार
देशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
निजी विद्यालयको नाम नेपालीकरण गर्न काठमाडौं महानगरको अल्टिमेटम
चैत १६, २०८० शुक्रबार
पर्यटक नभएपछि अध्यागमन कार्यालय तीन वर्षदेखि सुनसान
चैत १६, २०८० शुक्रबार
सभामुख नेतृत्वको प्रतिनिधिमण्डल स्वदेश फिर्ता
चैत १६, २०८० शुक्रबार
पोखराको पर्यटन प्रवर्द्धन गर्न वाणिज्य संघको जिल्ला यात्रा
चैत १६, २०८० शुक्रबार
सुनको मूल्यमा नयाँ रेकर्ड, १ लाख ३० हजारमा कारोबार
चैत १६, २०८० शुक्रबार
अग्नी रेखा निर्माण गर्दै उपभोक्ता
चैत १६, २०८० शुक्रबार