राष्ट्रपतिको समर्थनमा एमालेका भातृ संगठनहरु सडक प्रर्दशनमा, घण्टौ जाम हुँदा यात्रुलाई सास्ती

५ असोज, काठमाडौं । नेकपा एमालेको अध्यक्ष केपी शर्मा ओलीको निर्देशनमा एमालेनिकट भातृ संगठनहरु अनेरास्ववियु र युवासँग नेपाल सडक प्रर्दशनमा उत्रिएका छन् । संविधान विपरित गएर नागरिकता विधेयक प्रमाणीकरण नगेरको भन्दै चौतर्फि विरोध भइरहेका बेला एमालेले भने राष्ट्रपतिविद्यादेवी भण्डारीको समर्थनमा उनिहरुलाई सडकमा उतारेको हो ।

अध्यक्ष ओली सहितका नेताहरु भने राष्ट्रपतिको गैरसंवैधानिक कार्यप्रति मौन बसेका छन् । एकदिन अघिसम्म राष्ट्रपतिले नागरिकता विधेयक प्रमाणीकरण गर्ने पर्ने पक्षमा अवालत गर्दै आएका संसदीय दलका उपनेता सुवास नेम्वाङ पनि एकाएक विरामी परेका छन् । अन्य नेताहरुलाई पनि पार्टी अध्इक्ष ओलीले राष्ट्रपति भण्डारीको असंवैधानिक कदममा टिप्पणी नगर्न निर्देशन दिएको बताइएको छ ।

बुत्रबार एमालेका भातृ संगठनहरु अनेरास्ववियु र युवा संघका कार्यकर्ता राष्ट्रपतिको पक्षमा उनको तस्वीरसहित सडकममा प्रर्दशन गरेका छन् । उनीहरुको प्रदर्शनले सडका सार्वजनिक सवारी साधनहरु घण्डौसम्म जाममा परेका छन् भने अत्यवस्यक काममा हिडेका यात्रुहरुले सास्ती भोग्नुपरेको छ ।

पार्टी निर्देशनमा सडकमा उत्रिएका अनेरास्ववियु र युवाहरुको संगठन युवा संघ नेपालको प्रदर्शनको नेतृत्व एमाले नेता महेश बस्नेतले गरेका छन् । उनी नेतृत्वको विद्यार्थी तथा युवासमूहले बानेश्वरदेखि माइतीघर सडकखण्डमा प्रदर्शन गरेका थिए । उक्त प्रदर्शनमा अन्य एमाले नेताहरुको समेत सहभागिता रहेको थियो ।

एमाले नेता बस्नेत युवा संघ नेपाका पूर्वअध्यक्षसमेत हुन् । उनीसहितका एमाले नेताहरुले राष्ट्रपति समर्थनमा र सरकारको विरोधमा चर्को भाषणसमेत गरेका छन् । भातृ संगठन सडकमै उतारेका एमाले शीर्ष नेताहरु भने राष्ट्रपतिको कदमको विषयमा टिप्पणी गर्न मानिरहेका छैनन् । एमालेका प्रचार विभाग प्रमुख पृथ्वी सुब्बा गुरुङले पनि आफूलाई नागरिकता विधेयकका रहेका विषयहरुमा जानकारी नै नरहेको दावी गरेका छन् ।