एमालेको मधेश फ्याक्टरः नागरिकता विधेयकले जनमतमा खिया लाग्ने चिन्ता
नेपालबहस संवाददाता
असोज ६, २०७९ बिहिबार १७:५३:२९
६ असोज, काठमाडौं । संसदले दोहोर्याएर पारित गरेको नागरिकता विधेयक राष्ट्रपति बिद्यादेवी भण्डारीले प्रमाणीकरण नगरेपछि मधेशमा एमालेलाई आगामी निर्वाचन पेचिलो बन्ने संभावना बढेको छ । एमालेका लागि मधेश पहिला पनि त्यति अनुकुल बनेको थिएन, अहिले पनि नागरिकता विधेयकको कारण पेचिलो बन्न थालेको हो ।
एमाले मधेश प्रदेशमा आफ्नो ध्यान दिइरहेको छ । गत भदौ २७ गते जनकपुरधाममा ओलीले भने, ‘नागरिकता समस्या समाधानका लागि आफू र एमालेनै बढी लडेको छ । तर एमालेले नागरिकता दिएन र विधेयक रोकेर राखेको भनेर मधेशमा भ्रम छरिएको छ जुन सरासर भ्रामक हो ।’ ओलीले यसो भनिरहँदा एमालेको तर्फबाट राष्ट्रपति भएकी बिद्या भण्डारीले भने नागरिकता विधेयकलाई रोकेर मात्र राखिनन् प्रमाणीकरण नगरी निस्कृय बनाइदिइन् । नागरिकता विधेयक संसदबाट पारित भएर प्रमाणीकरणका लागि राष्ट्रपति समक्ष पठाउँदा जनकपुरधाममा अभिव्यक्ति दिदाँ ओलीले नागरिकता मुद्दामा खुलेर बोलेका थिए । मधेशवादी दलका सात दशकदेखिको ठूला मुद्दा नागरिकताबारे ओली यतिविघ्न खुलेर बोल्नुका पछाडि जसरी भए पनि मधेसको मन जित्नु नै रहेको थियो ।
जुन मुद्दाले मधेश चिढिएको छ, त्यही मुद्दा प्रष्ट्याएर मधेशलाई फकाउने ओलीको कोशिस देखिएको छ । एमाले मुद्दामा मधेशको असन्तुष्टि चिर्ने प्रयासमा मधेश दौडाहा केन्द्रित देखिन्छ । मधेसी दलका असुन्तष्ट नेतालाई आफूतिर तान्ने र मधेशसँग टुटेको सम्बन्ध गाँस्ने एमालेको कोशिश जारी रहेको छ । निर्वाचन नजिकिँदै जाँदा अन्य दलमा ठूलो पहिरो जाने देखिएको छ । यस्तो अवस्थामा अहिले देशभरि एमालेको लहर रहेको भन्दै आफ्ना कार्यकर्तालाई सम्हाल्न दलहरूलाई चुनौती दिदै मधेशमा पुगेका ओलीले मधेशी जनता र नेताहरुलाई खुशी पार्ने प्रयास गरेका छन् ।
एमाले अध्यक्ष ओलीले राष्ट्रपति बिद्यादेवी भण्डारीकहाँ पुगेको नागरिकता विधेयकमा धेरै प्रावधान गलत रहेको बताउँदै जन्मसिद्ध सन्तानलाई वंशजको नागरिकता दिइने प्रावधान समेटेर मात्र पारित हुनसक्ने बताउँदै आएका थिए । बाहिर अनाडीको कुरा सुनेर विधेयक ल्याएर एमालेले नागरिकता दिएन र विधेयक रोकेर राखेको भनेर मधेशमा भ्रम छरिराखेको बताएका छन् । मधेसको असली मुद्दा सम्बोधनमा जहिल्यै उनी अनुदार देखिएका कारण उनीसँग मधेसको मन टुटेको बताइएपनि पछिल्लो समय उनी मधेशका असन्तुष्टहरुलाई समेट्ने प्रयासमा लागेका छन् । प्रमुख तीन दल कांग्रेस, एमाले र माओवादी मधेशको माग बेवास्ता गर्दै आएको इतिहास भएपनि एमालेका ओली अलि बढी नै अनुदार रहेका थिए । तर पछिल्लो समय नागरिकता विधेयक प्रमाणीकारण नहुँदा पनि ओली मौन देखिएका छन् । जनसंख्या र मतदाता बढी भएको मधेश प्रदेशमा सबै दलले आँखा गाडेका छन । जुन स्वभाविक हो । तर पछिल्लो समय अन्य दलका असुन्तष्ट नेतालाई फकाएर आफ्नो पार्टीमा प्रवेश गराउन एमाले मधेशमा बढ्ता सक्रिय देखिएको छ ।
पप्छिल्लो पटक ओलीले सिराहामा लक्ष्मीपुर पतारी गाउँपालिकाका निवर्तमान अध्यक्ष तथा जसपा नेता रामबल्लभ साहसहितका नेता–कार्यकर्तालाई एमाले पार्टीमा प्रवेश गराए । त्यतिमात्र होइन ओलीले मधेशमा धेरै भन्दा धेरै नेताहरुलाई एमालेमा ल्याउने प्रयास गरिरहेका छन् । भदौ २७ गते जनकपुरको ऐतिहासिक तिरहुतिया गाछीमा आयोजित एमाले प्रवेश कार्यक्रममा अध्यक्ष ओली नै आएर धनुषा कांग्रेसका पूर्व–उपसभापति सन्तोष यादव, जनता समाजवादी पार्टी (जसपा)की प्रदेशसभा सदस्य अञ्जुकुमारी यादव, जसपाका केन्द्रीय सदस्य रामउदिन राम, शम्भु साह, पूर्व राज्यमन्त्री अरविन्द साहलगायतलाई पार्टीमा स्वागत गरे ।
२०७४ सालमा भएको स्थानीय तह र प्रदेश तथा संघीय संसदका लागि भएको चुनावमा पनि एमालेले मधेशमा अन्यत्र जस्तो उल्लेख्य जीत हासिल गर्न सकेको थिएन । २०७४ साल मंसिर एमाले र माओवादी केन्द्रको गठबन्धनले केन्द्रमा करिब २ तिहाई र ६ वटा प्रदेशमा स्पष्ट जीत हासिल गर्दा पनि मधेशमा कमजोर प्रदर्शन गरेको थियो । तर अहिले मधेशमा एमालेको बढी सक्रियतासँगै जनलहर पनि देखिएको छ । तर राष्ट्रपतिले नागरिकता विधेयक प्रमाणीकरण नगरेपछि त्यो जनमतमा खिया लाग्ने हो कि भन्ने चिन्तामा एमाले रहेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार