सिक्लेस हाइड्रोपावरकाे आईपीओ प्रि-अलटमेन्ट शुक्रबार हुने

६ असोज, काठमाडौं । सिक्लेस हाइड्रोपावरले निष्काशन गरेको आईपीओ प्रि-अलटमेन्ट शुक्रबार हुने भएको छ। कम्पनीले प्रि(अलटमेन्ट गरेसँगै अर्को साता बाँडफाँड गर्ने तयारी गरेको छ।

कम्पनीको बिक्री प्रबन्धकका अनुसार बिओके क्यापिटलले आगामी मंगलबार बिहान ९ बजे शेयर बाँडफाँड गर्ने तयारी गरेको छ । कम्पनीको आईपीओमा १६ गुणा बढीले आवेदन परिसकेको छ ।

सिक्लेस हाइड्रोपावर लिमिटेडको आईपीओमा १५ लाख ३८ हजार ३ सय ८३ जना आवेदकबाट एक करोड ७२ लाख ४४ हजार ३ सय ८० कित्ताका लागि आवेदन परेको हो । कम्पनीले कुल कित्तामध्ये १० लाख ५८ हजार कित्ताको लागि सर्वसाधारणका लागि निष्काशन गरेको थियो ।