विद्यालयमा गुणस्तरहीन दिवा खाजा दिएकाे भन्दै अभिभावकको असन्तुष्टि
नेपालबहस संवाददाता
असोज ७, २०७९ शुक्रबार २०:५४:२८
७ असोज, पोखरीया । सरकारले विद्यालयमा दिवा खाजा व्यवस्था गर्न बर्सेनि ठूलो स्रोत÷साधन खर्च गर्दै आएको छ । स्थानीय तहहरूले पनि आफ्ना साधन÷स्रोत खाजाका लागि खर्च गर्दै आए पनि केही सामुदायिक विद्यालयमा दिवा खाजा गुणस्तरहीन भएको र अर्धकाँचो खानेकुरा बालबालिकालाई खुवाउने गरिएको गुनासो बढेको छ ।
विद्यालयमा विद्यार्थीको उपस्थिति नियमित गराउनुका साथै उनीहरूको शारीरिक तथा मानसिक विकासका लागि पर्याप्त कार्बोहाइड्रेट, प्रोटिन, फ्याट तथा शरीरलाई चाहिने विभिन्न पोषकतत्व मिलाएर खाजा दिने व्यवस्था मिलाउन हरेक सामुदायिक विद्यालयमा दिवा खाजाको व्यवस्था गरिए पनि उनीहरुले नपाकेको खानेकुरा त्यो पनि चाहिने जति नदिइने गरिएका कारण बालबालिका टिफिनको बेला घर नै आउने गरेको सम्बद्ध अभिभावले बताएका छन् ।
पर्सा गर्दौलकी एक अभिभावक सोनमतीदेवी राम गुनासो गर्नुहुन्छ, “घरको आर्थिक अवस्था कमजोर भएका व्यक्तिका बालबालिकालाई विद्यालय पठाउनै मुस्किल हुने गरेकाले बालबालिका विद्यालय पढ्न आउन भनेर नै सरकारले दिवा खाजाको त व्यवस्था ग¥यो तर हाम्रो बालबालिकाका लागि विद्यालयले कस्तो खालको खाजा खुवाउँदै छ भन्ने निगरानी पनि सरकारले राख्न जरुरी थियो ।
कहिले अर्धकाँचो त कहिले खाजा नै नभेटिने, कहिले आधा पेट खाजा मात्रै दिने गरिएकाले बालबालिका खाजा खोज्दै घर आउनुपर्छ भने के फाइदा नामको लागि मात्रै खाजाको व्यवस्था गरेकोजस्तो देखाएर रु फाइदा मात्रै विद्यालयलाई होला हाम्रो बालबालिकालाई त छैन ।”
कतिपय विद्यालयमा आर्थिक वर्षको अन्त्यसम्म पनि दिवा खाजा कार्यक्रम सञ्चालन भएको छैन भने कतिपय विद्यालयमा दिवा खाजाको नाममा अर्धकाँचो खाने कुरा दिइरहेका कारण बालबालिका बिरामीसमेत परेको सम्बद्ध अभिभावकको गुनासो छ ।
पर्सा हासवाकी फूलमती देवी भन्छन्, “काँचै पकाएर दिइने दिवा खाजाका कारण बच्चा बिरामी पनि पर्छन् । कहिले त पेट नभरेर घर पनि आइपुग्छन् । बालबालिकालाई विद्यालयमा टिकाइराख्न र स्वस्थ राख्न यो व्यवस्था गरिएको भनिन्छ तर यहाँ खाजामा पनि भेदभाव गरिन्छ । विद्यार्थीका लागि एकथरीको र शिक्षक शिक्षिकाका लागि अर्को थरीको खाजा पकाइन्छ । त्यसैले सरकारका प्रतिनिधि आफैँ विद्यालयमा आएर खाजाको गुणस्तर निरीक्षण गर्न जरुरी छ ।”
दिवा खाजा कार्यक्रमको बजेट संघीय सरकारबाट स्थानीय पालिकामा समयमै पठाईएपनि विद्यालयमा भने आर्थिक वर्षको अन्तमा मात्रै आपुग्ने गरेकोले दिवा खाजा वितरणमा समस्या हुने गरेको बताउँदै पर्साका एक प्राध्यानाध्यापक शिवनाथ प्रसाद दिवा खाजा कार्यक्रमका लागि आएको बजेट वर्षको अन्तिम अर्थात् बजेट फ्रिज हुन केही दिन मात्रै बाँकी रहँदा निकासा हुने गरेको तथा सुरुमा दिइएको विद्यार्थी संख्याको आधारमा वर्षको अन्त्यतिर बजेट आउँदा विद्यार्थीको संख्या वृद्धि हुने गरेकाले समस्या सिर्जना हुने गरेको बताउछन् ।
शिक्षा तथा मानवस्रोत विकास केन्द्रका निर्देशक गणेशप्रसाद पौडेल दिवा खाजाबारे भएका वा हुने विभिन्न गतिविधि र समस्याका विषयमा सरोकार स्थानीय पालिका मै हुने गरेकाले पालिका र पालिकाका जनप्रतिनिधिले यसतर्फ विशेष ध्यान दिन आवश्यक रहको बताउँछन् । उनी विभिन्न गुनासा र समस्या केन्द्रसम्म आइपुगे त्यसको समाधानका लागि पहलसमेत हुने गरेको जिकिर गर्छन् ।
स्थानीय तहहरूका अनुसार दैनिक फरक–फरक खानेकुरा विद्यार्थीलाई उपलब्ध गराउन निर्देशन दिइए पनि खाजाको गुणस्तर तथा पोषक तत्व नपुर्याएर सरकारको निर्देशन औपचारिकतामा मात्र सीमित भएको अभिभावकहरूको गुनासो छ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपपर्वतका ७० वनमा डढेलो, एक हजार चार सय हेक्टर जङ्गल नष्ट
बैशाख १३, २०८१ बिहिबार
मनाङको नाम्के खर्कबाट यार्सागुम्बा संकलन सुरु
बैशाख १३, २०८१ बिहिबार
त्रिपालको ओतमुनि तातोपानी कुण्ड : बिरामीलाई सास्ती
बैशाख १२, २०८१ बुधबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
भोलिदेखि कक्षा १२ को परीक्षा : तीन लाख ९० हजार आठ सय ४७ परीक्षार्थी सहभागी हुँदै
बैशाख १३, २०८१ बिहिबार
२७ करोड बढीको मुद्दामा विशेषले दियो सबैलाई सफाइ
बैशाख १३, २०८१ बिहिबार
पूर्वमन्त्री आलमसहित चार जनालाई जन्मकैदको फैसला
बैशाख १३, २०८१ बिहिबार
म्याग्दीमा पुख्र्यौली नाच प्रतियोगिता सुरु
बैशाख १३, २०८१ बिहिबार
योजना कार्यान्वयनका लागि रूपान्तरणका क्षेत्र पहिचान गरिएको छ : प्रधानमन्त्री प्रचण्ड
बैशाख १३, २०८१ बिहिबार
प्रहरीले १८ जनामा मुद्दा चलायो, सर्वोच्च पुग्दा सात बचे
बैशाख १३, २०८१ बिहिबार