कोइराला समूहको खबरदारीसभा बानेश्वर ब्याक्वेटमा तय, भातृ र शुभेच्छुक संस्थालाई पनि निम्तो
नेपालबहस संवाददाता
असोज ७, २०७९ शुक्रबार २२:५६:२४
७ असोज, काठमाडौं । समानुपातिकतर्फको टिकट वितरणमा संस्थापन पक्षले एकलौटी गरेको भन्दै यसको बिरोधमा नेपाली कांग्रेस संस्थापनइतर समूले शनिवार गर्ने भनेको खबरदारीसभा थापागाउँस्थित बानेश्वर ब्याक्वेटमा तय भएको छ । संस्थपनइतर पक्षका नेता डा. शेखर कोइराला नेतृत्वको समूहका नेता सम्मिलित शुक्रबारको बैठकले भोलीको खबरदारीसभा बानेश्वर ब्याक्वेटमा गर्ने तय गरेको हो ।
दिउँसो १ बजे राखिएको खबरदारीसभामा पार्टीका भातृ संगठन र शुभेच्छुक संस्थालाई पनि निम्ता गरिएको छ । सभामा केन्द्रीय तथा जिल्लाका नेतासहित कोइराला पक्षका जिल्ला सभापतिहरुसमेत उपस्थित रहने बताएको छ । निर्वाचन आयोगमा बुझाइएको समानुपातिक सूचीमा एकलौटी गरेको भन्दै सत्तारुढ दल नेपाली कांग्रेसमा असन्तुष्टि चुलिदै गएको छ ।
संस्थापन पक्ष अर्थात् पार्टी सभापति शेरबहादुर देउवाले एकलौटी ढंगबाट समानुपातिक सूची बुझाएको भन्दै इतर समूह प्रतिकारमा उत्रने तयारीमा छ । पार्टीमा संस्थापन पक्षले इतर समूहलाई उपेक्षा गरेको भन्दै खबरदारी सभाको आयोजना गरिएको समूहका नेता जगदिश्वर नरसिंह केसीले नेपालबहसलाई बताए । उनले भने,‘समानुपातिक सूचीमा सभापतिले एकलौटी गर्नुभयो । हाम्रो समूहका साथीहरूको नाम काट्ने काम भएको छ । यसरी पार्टीभित्र मनपरित्रतन्त्र हावी हुनुभएन । सभापतिले एकलौटी गरेपछि हामीले खबरदारी सभाको आयोजना गरेका हौँ ।’
उनका अनुसार समानुपातिक सूचीमा संस्थापन पक्षले एकलौटी गरेजस्तै प्रत्यक्ष तर्फको टिकटमा पनि एकपक्षीय गतिविधि हुने देखिएपछि सभापति देउवालाई दबाव दिने र सम्माजनक भागबण्डा लिन खबरदारी सभा बोलाइएको हो । कोइराला समूहले अरू दलका विषयमा समान सीटको कुरा गर्ने सभापति देउवाले पार्टीभित्रै अर्को समूहलाई चाहिँ समान हैसियत दिन नचाहेको र जिम्मेवार नेताहरूलाई समेत पाखा लगाउने काम भएको बताएको छ ।
अन्य दलसँग १८ घण्टा मिटिङ गर्न सक्ने देउवाले फरक समूहको नेतृत्व गर्ने समूहका नेतालाई १८ मिनेट पनि समय नदिएको गुनासो इतर समूहको छ । केसीका अनुसार सभामा इतर समूहबाट प्रतिनिधित्व गर्ने भ्रातृ तथा शुभेच्छुक संस्थाका नेता कार्यकर्ताहरु उपस्थित हुनेछन् । खबरदारीपश्चात् पनि निरन्तर आफूहरूलाई पाखा लगाए सभालाई सशक्त बनाउँदै लगिने सो समूहको तयारी छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थप३३ प्रतिशत महिला उम्मेदवार हुनैपर्ने बाध्यकारी कानुन आउँदै
माघ १८, २०७९ बुधबार
सात वटै प्रदेश प्रमुखसमक्ष निर्वाचन परिणामसहितको प्रतिवेदन प्रस्तुत
पुष ३, २०७९ आइतबार
संसदमा दलित समुदायको प्रतिनिधित्व निरन्तर खुम्चिँदै
पुष १, २०७९ शुक्रबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
हार्दिक पाण्डेयलाई १२ लाख जरीवाना
बैशाख ७, २०८१ शुक्रबार
सांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
धरौटी बुझाउन नसकेपछि दीपेश पुनलाई जेल पठाइयो
बैशाख ७, २०८१ शुक्रबार
मस्कको सुझाव - रकेट एकअर्कामा होइन, ताराहरुमा पठाऊ !
बैशाख ७, २०८१ शुक्रबार
आमजनतामा सूचना प्रविधिको पहुँच बिस्तार आवश्यकः मन्त्री शर्मा
बैशाख ७, २०८१ शुक्रबार
काठमाडौँ महानगरमा निःशुल्क उपचार, कसरी लिने सेवा ?
बैशाख ७, २०८१ शुक्रबार
वीरगञ्जमा व्यापारी कुशवाह र गुप्ताको गोदामबाट सवा १ करोडका कपडा बरामद
बैशाख ७, २०८१ शुक्रबार
स्वास्थ्य मन्त्रालयको अनुरोध : स्वास्थ्य बीमाबारे भ्रामक सूचनाको भर नपर्नु
बैशाख ७, २०८१ शुक्रबार