दशैंको मुखमा त्रियुगा नगरले दुई सयभन्दा बढी करारका कर्मचारीलाई दैनिक ज्यालादारीमा काम लगाउने
नेपालबहस संवाददाता
असोज ८, २०७९ शनिबार २२:१०:३१
८ असोज, उदयपुर । दशैंको मुखमा त्रियुगा नगरपालिकाले लामो समयदेखि करारमा कार्यरत कर्मचारीलाई दैनिक ज्यालादारी बनाउने निर्णय गरेको छ । नगर कार्यपालिकाको बैठकले करारका कर्मचारीलाई दैनिक ज्यालादारी ‘डोर हाजिरमा काम लगाउने’ बनाउने निर्णय भएको हो ।
नगरपालिकामा करारमा रहेका अस्थायी र करारका दुई सयभन्दा बढी प्राविधिक र अप्राविधिक कर्मचारीलाई चालू आर्थिक वर्षदेखि दैनिक ज्यालादारी बनाउने निर्णय गरिएको हो । नयाँ निर्णयअनुसार अबदेखि उनीहरूको मासिक रूपमा नभएर दैनिक हाजिरी ‘डोर हाजिर’ भरेर मात्रै तलब निकासा हुनेछ ।
नगरपालिकातर्फ अस्थायी खरिदारसरहका १८ जनाको म्याद थप्ने निर्णय भएको छ भने अधिकृतदेखि नासु, खरिदार, सहजकर्ता, सफाइकर्मीसम्मले दैनिक ज्यालादारी डोर हाजिर भरेर मात्रै तलब पाउने नगर कार्यपालिकाले जनाएको छ ।
त्रियुगा नगरपालिकामा प्रशासन तथा प्राविधिक गरी ७१ जना स्थायी, १८ जना अस्थायी र ७५ जना करारका कर्मचारी गरि १६४ कर्मचारी छन् भने स्वास्थ्यतर्फ ३८ जना स्थायी र ५४ करारका कर्मचारी छन् । करारका कर्मचारीको सेवा अवधि थप नगर्ने नगरपालिकाको निणर्यसँगै अहिलेसम्म कामकाज गरेका कर्मचारीहरूले दैनिक ज्यालादारीमा डोर हाजिरमा काम गर्नु पर्नेछ ।
अधिकृतदेखि सरसफाइकर्मीसम्मका कर्मचारीहरूलाई दैनिक ज्यालादारीमा तलब निकासा गर्ने निणर्य गरेको एक कार्यपालिका सदस्यले जानकारी दिए । शिक्षा, स्वास्थ्य, प्रशासन, प्राविधिक तथा वडामा कार्यरत करारको कर्मचारीको करार सम्झौता २०७९ असार ३२ गते देखि सकिएको थियो ।
यसअघि ५९ जना करारका कर्मचारीको म्याद थप नगर्दा सामी परियोजना, महिला हिंसा तथा प्रतिकार्य योजना साझेदारी कार्यक्रमलगायतका कार्यक्रम प्रभावित भएका थिए । शाखा अधिकृत, नायव सुब्बा र खरिदार स्तरका कर्मचारीहरुलाई दैनिक ज्यालादारीमा तलब निकासा गर्ने निर्णय भएको नगरका प्रवक्ता तिलकबहादुर कटुवालले जानकारी दिए ।
उनीहरुले डोर हाजिर नगरेको दिन, सार्वजनिक बिदा तथा चाडपर्व बिदाको दिनको तलब अब नपाउने प्रशासन शाखाले जनाएको छ । उनीहरूले दैनिक ६ सय ९० रुपैयाँदेखि अधिकतम एक हजार तीन सय ८० रुपैयाँसम्म तलब पाउने प्रशासन शाखाले जनाएको छ । करार म्याद थप नभएका र अहिले डोर हाजिरमा तलब निकासा हुँदा उनीहरुको तलब २५ प्रतिशत देखि ३५ प्रतिशत सम्म तलब कटौती हुने भएको छ ।
कानुनअनुरुप इन्जिनियर, सबइन्जिनियर, अमिन, सुपर भाइजरलाई डोर हाजिरमा राख्न सकिन्छ, तर अप्राविधिकलाई डोर हाजिरमा लगाउन पाइँदैन । कानूनत प्राविधिक कर्मचारीबाहेकले अरुलाई ज्यालादारीमा लगाउन पाउने व्यवस्था कानुनमा छैन् । नगरपालिकाको सरसफाइकर्मी, इलेक्ट्रिसियन, हलुका सवारी चालक, नगर प्रहरी लगायतले दैनिक ज्यालादारीमा बढीमा सात सय रुपैयाँसम्म पाउने ब्यवस्था छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
इलामा-२ मा नेकपा एसले जीतबहादुरलाई दियो टिकट
चैत १५, २०८० बिहिबार
इलाम–२ मा एमालेले सुहाङ नेम्वाङलाई बनायो उम्मेदवार
चैत ११, २०८० आइतबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
नेपालमा बस्छन ६० देशका अवैतानिक वाणिज्यदूत
चैत १५, २०८० बिहिबार
दैविक प्रकोप उद्वारका सामग्री हस्तान्तरण
चैत १५, २०८० बिहिबार
हवाई टिकटको भ्याट र होटलमा लगाइएको विलासी कर हटाउः महासंघ
चैत १५, २०८० बिहिबार