युक्रेनमा सैन्य बन्दोबस्ती गर्न नसकेको भन्दै रुसी रक्षा उपप्रमुख बर्खास्त

९ असोज, काठमाडौं । राष्ट्रपति भ्लादिमिर पुटिनले रुसी रक्षा विभागका उपप्रमुख एवम् आपूर्ति प्रमुख दिमित्रि बुल्गाकोभलाई बर्खास्त गरेका छन् । बुल्गाकोभ रुसको रक्षा मन्त्रालयका सहायक मन्त्रि थिए । बुल्गाकोभले सन् २००८ देखि रुसको रक्षा विभागको आपूर्ति प्रमुखको जिम्मेवारीमा थिए ।

रुसको रक्षा मन्त्रालयले टेलिग्राममा जनरल दिमित्रि बुल्गाकोभलाई जिम्मेवारीबाट हटाइएको उल्लेख गरेको छ । ६७ वर्षीय बुल्गाकोभलाई अर्को जिम्मेवारीका लागि मुक्त गरिएको बीबीसीले जनाएको छ । बुल्गाकोभको स्थानमा युक्रेनको मारियोपोलमा नरसंहारका आरोपित कोलेनल जनरल मिखाइल मिनिजिसेभलाई आपूर्ति प्रमुखको जिम्मेवारी दिइएको छ ।

युक्रेनमा सैन्य हस्तक्षेपका बीच रुसका सैकडौं सेनाले कमजोर आपूर्ति व्यवस्थाले नियन्त्रणमा लिएको कतिपय शहर छोड्न बाध्य भएको थियो ।