पर्यटन क्षेत्रमा सर्वाधिक आयकर तिर्ने संस्था बन्यो मनकामना दर्शन

७ मंसिर, काठमाडौं । मनकामना दर्शन प्रालि पर्यटन क्षेत्रमा सर्वाधिक आयकर तिर्ने संस्था बनेको छ । ११ औं राष्ट्रिय कर दिवसको अवसरमा मनकामना दर्शन प्रालिलाई आर्थिक वर्ष २०७७/७८ मा पर्यटनक्षेत्रमध्य सबैभन्दा बढी आयकर दाखिला गरे बापत आन्तरिक राजश्व विभागले बुधबार आयोजित एक कार्यक्रमबीच कम्पनीलाई सम्मान गरेको हो ।

बि .स .२०५५ साल मंसिर ८ गते देखि संचालनमा आएको नेपालकै पहिलो मनकामना केबलकारले हालसम्म १ करोड ७० लाख यात्रुहरूलाई केबुलकार सेवा प्रदान गरिसकेको छ ।

साथै यहि समूहको भातृ कम्पनी रिसोर्टस् बाई मनकामना केवल कार (प्रा ) लि ले करीब रु ४८ करोड लागतमा मनकामनामा ४० कोठा यूक्त सुबिधा सम्पन्न होटल तथा रिसोर्टको निमार्ण थालनि गर्ने जनाएको छ ।