पोर्चुगल घानालाई हराएर विश्वकपमा सुखद् नतिजा निकाल्ने लक्ष्यमा
नेपालबहस संवाददाता
मंसिर ८, २०७९ बिहिबार २२:३०:४४
८ मंसिर, काठमाडौं । क्रिस्टियानो रोनाल्डोको कप्तानीमा रहेको पोर्चुगलले आज बिहीबार अफ्रिकी राष्ट्र घानासँग खेल्दै कतार विश्वकपको सुरुआत गर्दैछ ।
समूह ‘एच’ मा रहेको पोर्चुगलले स्टेडियम ९७४ मा घानाको सामना गर्नेछ । पोर्चुगल र घानाबीचको खेल राति ९ : ४५ बजे सुरु हुनेछ । पोर्चुगलका कीर्तिमानी खेलाडी रोनाल्डोको यो अन्तिम विश्वकप हो । त्यसैले पोर्चुगल यस विश्वकपलाई यादगार बनाउन चाहन्छ ।
घानाविरुद्ध मैदान उत्रदा पोर्चुगल सहज जितको खोजीमा हुनेछ । तर, घाना पनि पोर्चुगललाई हराउँदै विश्वकपमा सानदार सुरुआत गर्न चाहन्छ । दुबै टोली पहिलो खेलमा ३ अंकको लागि प्रतिस्पर्धा गर्ने छन् । स्टार र चर्चित खेलाडीले भरिएको पोर्चुगल घानालाई हराएर विश्वकपमा सुखद् नतिजा निकाल्ने लक्ष्यमा छ ।
टोलीसँग भेट्रान फरवार्ड क्रिस्टियानो रोनाल्डो, ब्रुनो फर्नान्डेस, बर्नाडो सिल्भा, राफायल लियो, रुवेन नेभेस, विलियम कार्भाल्हो, नुनो मेन्डेस, रुवेन डियास, जोओ क्यान्सेलो र गोलरक्षक डिएगो कोस्टा रहेका छन् । यसबाहेक टोलीसँग आन्द्रे सिल्भा, जोआओ फेलिक्स, भिटिन्हा, जोओ मारियो, डिएगो डालोट, राफयल गुरेइरो, पेपे र रुई प्याट्रिसियो पनि रहेका छन् ।
यता, यस विश्वकपमा दुई अप्रत्यासित नतिजा निस्किसक्दा घाना पनि पोर्चुगललाई स्तब्ध पार्ने लक्ष्यमा हुनेछ । टोलीसँग इनाकी विलियम्स, मोहम्मद कुडुस, जोर्डन एयु, तरिक लाम्टे र थोमस पार्टेलगायतको नाम चलेका खेलाडीको साथ छ ।
पोर्चुगलको पछिल्ला खेलमा राम्रो नतिजा निकाल्न सकेको छैन । पछिल्लो चार खेलमा पोर्चुगलले २ जित र २ हारको नतिजा निकालेको छ । यस्तोमा पोर्चुगल घानालाई हराएर जितको लयमा फर्कन चहान्छ ।
यि दुई टोलीले पछिल्लोपटक २०१४ को विश्वकपमा समूह चरणमै प्रतिस्पर्धा गर्दा पोर्चुगल २–१ ले विजयी भएको थियो । पोर्चुगल सोही जितलाई निरन्तरता दिने लक्ष्यमा रहँदा घाना उक्त हारको बदला लिने योजनामा हुनेछ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपक्रोएसियाले इजिप्टमाथि ४-२ को जित निकाल्दा लुका मोड्रिचले दुई गोल गरे
चैत १५, २०८० बिहिबार
इटहरी गोल्डकप : त्रिभुवन आर्मी फाइनलमा
चैत १५, २०८० बिहिबार
चैत १७ गतेदेखि प्रथम तिलौराकोट गोल्डकप हुने
चैत १४, २०८० बुधबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
किन भेटिरहेका छन् देउवाले प्रधानमन्त्री प्रचण्ड ?
चैत १५, २०८० बिहिबार
चैते धानमा किसानको आकर्षण बढ्दै
चैत १५, २०८० बिहिबार
कर्णाली पुलबाट हाम फालेर बेपत्ता भएका शाहीको शव भेटियो
चैत १५, २०८० बिहिबार
किसानले यस वर्षको कुचो नकाटी बगानमै छाडे
चैत १५, २०८० बिहिबार
हिमालमा पर्यटकलाई हेलिकोप्टरको सहारा
चैत १५, २०८० बिहिबार
एसईई परीक्षामा निरीक्षक बसेका १० जना निष्काशित
चैत १५, २०८० बिहिबार