तोरीको शुद्ध तेल निकाल्ने परम्परागत प्रविधि संकटापन्न

९ मंसिर, काठमाडौं । परम्परागत कोलमा तोरी पेलेर निकालिने तेलको माग स्थानीय बजारमा राम्रै रहेपनि तोरी पेल्ने यो प्रविधि भने विस्तार लोप हुन थालेको छ ।

मिसावटरहित र अर्गानिक मानिने यो तेल टाउकोमा दल्न र मालिस गर्न समेत उपयोगी मानिन्छ । यस्ता परम्परागत कोलहरु काठमाडौंका कतिपय ठाउँमा अद्यापि देख्न पाइन्छ ।

बसन्तपुर मरु गणेश नजिकको चसांद्व टोलका तीन ठाउँमा यस्तो कोल सञ्चालन भइरहेका छन् । झोछेँका लाय्कूसाः लगायत कतिपय चौक चौकमा रहेका यस्ता परम्परागत कोलहरु अहिले बन्दै भइसकेका छन् ।