‘अरु मान्छे मारेर नेता भए, रेशम चौधरी आरोपकै भरमा अपराधी बने’
नेपालबहस संवाददाता
मंसिर ११, २०७९ सोमबार ३:१०:३९
♦ अनुसा थापा / भक्तपुर
२०७४ सालमा टिकापुर निर्वाचन क्षेत्र नम्बर १ बाट प्रतिनिधिसभा सदस्यमा निर्वाचित नागरिक उन्मुक्ति पार्टीका रेशम चौधरी अहिले पनि जेलमै छन् । २०७२ सालमा नेपाल संविधान बन्दा टिकापुरमा भएको आन्दोलनमा प्रहरीलाई मारियो । घटना घट्ने बेला चौधरी त्यहाँ नभएको बताइन्छ । चौधरीले बारम्बार उक्त आन्दोलनमा आफू सरिक नभएको र प्रहरीलाई आफूले नमारेको बताउँदै आएका छन् ।
तर, सरकारले उनलाई समात्यो । राज्यबाट पाउनुपर्ने सेवासुविधा आफूले पनि पाउनुपर्ने र टिकापुरमा पनि विकास हुनुपर्ने जनताहरुको माग थियो । विकास नहुँदा टिकापुरका जनता पछि परेको भन्दै त्यहाँ आन्दोलन शुरु भएको थियो । आफ्ना मागहरु संविधानमा उल्लेख हुनुपर्ने भन्दै जनताहरु सडकमा उत्रिए । राजनीति तवरबाट गरिएको आन्दोलन पछि हिंसामा परिणत भयो । उक्त आन्दोलनमा परेर प्रहरी र भखरैको शिशु मरेपछि सरकारले चौधरीलाई नियन्त्रणमा लियो । चौधरीले दिएको बयानअनुसार उक्त आन्दोलनमा उनको सहभागिता छैन् । जनता र प्रहरीबीच दोहोरो भिडन्त चल्दा अप्रिय घटना घटेको उनको भनाइ छ । २००७ देखि २०७९ सालसम्म आइपुग्दा धेरै आन्दोलन भए । नेकपा माओवादीको जनयुद्ध, मधेशी दल, नेपाली कांग्रेस, नेकपा एमालेमा भएका मान्छे मारेका छन् ।
माओवादीको जनयुद्धमा पनि कति नेपाली मरे ? मधेश आन्दोलनमा परेर कति सीधासाधी जनताले ज्यान गुमाए ? एमाले अध्यक्ष केपी शर्मा ओलीले पनि मान्छे मारेका छन् । त्यसो भए त यी सबै नेताहरु अहिले जेलमा हुनुपर्ने हो । उनीहरुले मान्छे मार्दा राजनीतिक आन्दोलन, चौधरीको चाँहि व्यक्तिगत आन्दोलन बनाइयो । अदालतले चौधरीलाई आजीवन कैद सजाय सुनाइसकेको छ ।
घटना घटेपछि चौधरी भूमिगत गएका थिए । अरुको माध्यमबाट उनले आफ्नो उम्मेदवारी दर्ता गराए । घरघरमा भोट माग्न नगईकन टिकापुरका जनताले उनलाई विजयी गराए । चौधरीले उठाएको मुद्दा टिकापुरको जनताका लागि भएको यहाँबाट त स्पष्ट भयो । सो मुद्दा व्यक्तिगत नभई टिकापुर जनताको मुद्दा रहेछ भन्ने प्रमाणित भयो । २०७४ सालमा चुनाव जितेपछि चौधरी आफैं अदालतमा उपस्थित भए ।
उनले कानूनको सामू आत्मसर्मपण गरे । तर, अदालतले राजनीतिक घटनालाई व्यक्तिगत स्वार्थ भनेर जन्मकैद फैसला सुनाइदियो । चौधरी अहिले जेलमा छ । उनी जेलबाट ननिस्किए पनि राजनीतिमा उनी सक्रिय छन् । सजाय काटिरहेका उनीमाथि जनताको कति विश्वास छ ? भन्ने अहिलेको निर्वाचनमा प्रष्ट भइसकेको छ । उनको श्रीमती र बुवालाई भारी मत दिएर विजयी गराए ।
चौधरीलाई आरोपकै भरमा सरकारले जेलमा कोचेको छ । यदि आरोपकै भरमा जेलमा कोच्ने हो भने अन्य किन बाहिर छन् ? ओलीमाथि झापामा मान्छे मारेको आरोप छ । प्रचण्डमाथि १७ हजार नेपाली जनता मारेको आरोप छ । रवि लामिछानेमाथि पनि आत्महत्या गर्न बाध्य बनाएको आरोप छ । पत्रकार शालिग्राम पुडासैनीलाई मर्नुपर्ने बाध्यता बनाएको आरोप त रविमाथि लागेको छ ।
मधेशी दललाई कसले समात्ने ? उपेन्द्र यादवलगायत अन्य मधेशी नेताहरु किन बाहिर घुमिरहेका छन् ? मधेशी आन्दोलनमा उपेन्द्रले छुरा रोपेर एकै ठाँउमा दुई दर्जन मान्छे मारेका छन् । नेपाली कांग्रेसका सांसद्समेत रहेका आलममाथि पनि ईट्टाभट्टामा मान्छे हालेर पोलेको आरोप छ । उनले पनि सजाय काटिरहेका छन् । कुनैलाई आरोप मात्र लाग्दा थुन्ने कुनैको केसमा प्रमाण हुँदा अदालतले छोड्ने ? अहिले अदालतमाथि नै जनताले प्रश्न उठाएका छन् । ओली, प्रचण्ड, यादव, रवि सबै अपराधी हुन् नि ? किन कि यिनीहरुले पनि मान्छे मारेका छन् । चौधरी, आलम जेल बस्नुपर्दा यिनीचाँहि बस्न नपर्ने ? अदालतले कसैलाई काखा, कसैलाई पाखा गर्न मिल्छ ? सिके राउत, विप्लवलगायतले पनि मान्छे मारेका छन् । तर, उनीहरुलाई त सरकारले सफाइ दियो ।
सिके राउत अहिले सांसद्मा चुनिएका छन् । सरकारले राजनीतिक घटनाक्रम बताउँदै छुट दियो । तर, उनीहरुले पनि मान्छे त मारेका हुन् नि । यदि सबैलाई छुट दिने हो भने चौधरी र आलम अहिले किन जेलमा छन् ? सरकारले उनीहरुले मान्छे मारेको देखेको छ ? सरकारसँग केही प्रमाण छ, उनीहरुलाई सजाय सुनाउन । प्रचण्डले टुडिखेलमा खुल्ला रुपमा आफूले १७ हजार नभई पाँच हजार मान्छे मारेको बताएका थिए ।
प्र
चण्ड, यादव, विप्लव, राउत, ओलीले मान्छे मार्दाचाँहि राष्ट्रियताका लागि भनिने । अनि जनताको आन्दोलन समर्थन गरेकै भरमा कसैलाई जेलमा कोच्ने मिल्छ ? मान्छे मारेका व्यक्तिहरु झण्डावाल गाडी चढेर हिँडेका छन् । सरकारी सेवासुविधा लिएका छन् । तर, चौधरी जेल छन् । उनलाई पनि छोडिदिनुपर्यो । चौधरीसँग टिकापुरका जनता थिए तर उनीसँग पँहुच भएन् ।
न देशभरका जनता उनको पक्षमा उत्रिए । चौधरीलाई छोड्नुपर्छ भनेर टिकापुरका जनताले आवाज उठाए तर समर्थन गर्न देशभरका जनता भएनन् । रवि लामिछानेले आफूलाई मर्न बाध्य बनाएको शालिग्रामले त भिडियो नै बनाएका थिए । प्रमाण हुँदाहुँदै पनि सरकारले उनलाई छुट दियो किन कि उनको पक्षमा देशभरका जनता कुर्लिए । चौधरीले प्रहरीलाई मारेको भिडियो सरकारसँग छ ?
चौधरी हत्यारा हुन भन्ने कुनै प्रमाण छ ? चौधरीलाई नखाएको विष लाग्यो । पञ्चायतीकालमा कांग्रेसले पनि कति मान्छे मारेको होला ? राजनीति परिवर्तन गर्न मान्छे मारेको भन्दै उनीहरु जेलबाट निस्किए । राजतन्त्रको विरोधमा आन्दोलन हुँदा कति नेपालीले ज्यान फालेका छन् । राजतन्त्र फाल्न १९ दिने आन्दोलन भयो । त्यतिखेर पनि धेरैले ज्यान गुमाए । २०६२–६३ सालमा नेताहरुकै अगुवाइमा भएको आन्दोलनमा परेर त्यत्रो नेपाली मरे ?
नेताहरुले सडकमा नउतारेको भए त्यत्रो नेपालीले ज्यान गुमाउनुपर्दैनथ्यो होला । हिजो जति नेपालीको ज्यान गएको छ, यसको जिम्मा त नेताहरुले लिनुपर्छ । हिजो जनतालाई सडकमा उतारेर मार्ने त नेताहरु नै हुन् । कानून त्यति नै चोखो छ भने सबै नेताहरुलाई जेलमा लगेर कोच्नुपर्छ । चौधरीमा किन जेल बस्ने ? उनले आफ्नो व्यक्तिगत फाइदाका लागि मान्छे मारेका होइनन् ।
जनताको आवाज उठाउदा आजीवन कैद सजाय भोग्नुपर्यो । चौधरीलाई एक्लो बनाएर सरकारले उनको दबायो । जनताले भोट दिए तर उनी संसद् छिर्न पाएनन् । जनताको आवाज उठाउँदा उनले आफ्नो जिन्दगी समाप्त गर्नुपर्यो । उनको जीवन जेलमै सकिन्छ । जनताको माग राख्दा यत्रो सजाय भोग्नुपर्छ भन्ने कसैले सोचेका पनि थिएनन् होला । चौधरीले हतियार प्रयोग गरेर प्रहरी र शिशु मारेको प्रमाण त अदालतसँग छैन् ।
न प्रहरी प्रशासनले उनले नै मारेको भनि साबित गर्न सक्छ । आन्दोलन समर्थन गरेकै भरमा उनीमाथि प्रहरीले आरोप लगायो । अदालतले जन्मकैदको सजाय सुनायो । तर, रविको मुद्दामा प्रमाण हुँदाहुँदै प्रहरी प्रशासनले अनदेखा गर्यो । पुडासैनीले रुँदै तयार गरेको भिडियोलाई अदालत र प्रहरी प्रशासनले प्रमाण मानेन् । रविले सफाइ पाए । अदालतले निर्दोषलाई कसरी फसाउँदो रहेछ र दोषीलाई कसरी उम्काउँदो रहेछ, छर्लङ्ग भइसकेको छ ।
नेपालको कानूनमाथि अब जनताले विश्वास गर्छन् । प्रमाण बेगर चौधरीलाई फसाइएको छ । जनताले तिरेको करबाट प्रहरी प्रशासन र न्यायाधीशले तलबभत्ता खाइरहनु उचित छैन् । सीधासाधी जनतालाई एउटा मुद्दा लगाएर फसाइदिने, प्रमाण हुँदाहुँदै दोषीलाई उम्काइदिने । टिकापुरको जनताले चौधरीलाई दिएको भोट खेर गयो । उनी जेलबाट बाहिर निस्किएनन्, जनताको आवाज उठाउनबाट वञ्चित छन् ।
पुडासैनीले आरोप लगाएका व्यक्ति अब संसद् छिर्दैछन् । माओवादी नेता कृष्णप्रसाद महराले जेलबाट निस्किँदा भनेका थिए,‘ ८० प्रतिशत मान्छे आरोपकै भरमा जेलमा छन् । गल्ती नै नगरेका जनता अदालत र प्रहरीको कारण जेल जीवन बिताइरहेका छन् ।’ अदालतसंग आँट छ भने प्रचण्ड, ओली, रवि, सिके, उपेन्द्र, विप्लवलाई समातेर जेल हाल्नुपर्यो । उनीहरुलाई किन खुल्ला छोड्ने ? कानून सबैलाई सराबरी हुन्छ । एउटालाई लाग्ने, अर्काेलाई नलाग्ने पनि कानून हुन्छ ?
पहुँच, पैसा र पावर भएकाले जे गर्दा पनि हुने, अनि सीधासाधी जनताले चाँहि गल्ती नै नगरीकन आरोपको भरमा सजाय भोग्नुपर्यो । चौधरीले राजनीति गर्दा उनी कानूनको आँखामा अपराधी हुने । अरुचाँहि कानूनका लागि निर्दोष भएका छन् । रविको राजनीतिक होइन् व्यक्तिगत विषय हो । उनको दबाब सहन नसकेर पुडासैनी झुण्डिए । अरु मान्छे मारेर नेता भए, चौधरी आरोपकै भरमा जेल बसे ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थप‘कोर्स करेक्सन’का लागि अब कांग्रेस–एमाले गठबन्धन, देशले कहिलेसम्म अस्थिर दाहाललाई झेल्ने ?
बैशाख ७, २०८१ शुक्रबार
'....नाँकको डाँडीमा लात्तीले हिर्काउनु पर्छ' भन्नेलाई मेरो सुझाव
बैशाख ६, २०८१ बिहिबार
लोकरिझ्याईं राजनीतिको ‘महाजात्रा’मा हरिवंश आचार्य
बैशाख ५, २०८१ बुधबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
हार्दिक पाण्डेयलाई १२ लाख जरीवाना
बैशाख ७, २०८१ शुक्रबार
विलासी जीवन जिउने विद्या बालनले किन मागिन भिख ?
बैशाख ७, २०८१ शुक्रबार
त्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी
बैशाख ७, २०८१ शुक्रबार
भारतले रोक्यो नेपाली चियाको निर्यात
बैशाख ७, २०८१ शुक्रबार
संसदीय समितिमा फास्ट ट्रयाकबारे सेनाको बिफ्रिङ
बैशाख ७, २०८१ शुक्रबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
एसीसी प्रिमियर कपको फाइनलमा ओमान र युएई भिड्ने
बैशाख ७, २०८१ शुक्रबार
नेशनल पेमेन्ट गेटवे भ्रष्टाचार प्रकरणमा सुनिल पौडेल दोषी ठहर, ८ जनाले पाए सफाइ
बैशाख ७, २०८१ शुक्रबार
धरौटी बुझाउन नसकेपछि दीपेश पुनलाई जेल पठाइयो
बैशाख ७, २०८१ शुक्रबार