थप ८ जनामा कोरोना संक्रमण पुष्टि

१२ मंसिर, काठमाडौं । पछिल्लो २४ घण्टामा देशभरमा आज थप ८ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ । देशभर गरिएको ६ सय १५ पिसिआर परिक्षणका क्रममा ६ जना र १ हजार ३७ एन्टीजेन परिक्षणका क्रममा २ जनामा कोरोना संक्रमण पुष्टि भएको जनाएको छ ।

सोमबार कोरोना संक्रमित मृत्यु संख्या शून्य रहेको छ । पछिल्लो २४ घण्टामा ३४ संक्रमित निको भएका छन् । हाल २ सय ३५ सक्रिय संक्रमित आइसाेलेशनमा रहेको मन्त्रालयले जनाएको छ ।