पार्किङ भाडा बढाइएको भन्दै ट्याक्सी चालकहरु आन्दोलित

१३ मंसिर, काठमाडौं । काठमाडौंमा ट्याक्सी चालकहरु पार्किङ भाडा बढाइएको भन्दै आन्दोलित भएका छन् । उनीहरुले मंगलबार बिहान विमानस्थलको आगमन गेट अगाडि प्रदर्शन गरेका छन् ।

विमानस्थल क्षेत्रमा पार्किङ शुल्क वाफत प्रतिघण्टा २० रुपैयाँ लिंदै आएकोमा अहिले एकैचोटी ८०  रुपैयाँ पुर्याइएको र १०० रुपैयाँ पुर्याउने धम्की दिइएको भन्दै उनीहरुले आगमन गेट अगाडि नै बसेर पार्किङ शुल्क महँगो भएको भन्दै प्रदर्शन गरेका छन् ।

विमानस्थलको जग्गा आईएमएस एयरपोर्ट सर्भिस नामको कम्पनीले भाडामा लिएको छ । त्यहाँ पार्किङ गर्ने सवारी साधनका धनीहरुले महँगो शुल्क तिर्नु परेको गुनासो गर्दै आएका छन् । प्रदर्शनको नेतृत्व जिफन्टसँग आबद्ध नेपाल यातायात स्वतन्त्र मजदुर संगठनले गरेको छ ।