एमाले नेता तथा इस्माकी पुर्वउपाध्यक्ष खत्रीले गाउँपालिकाबाट लिएको दोहोरो सुविधा फिर्ता गरिनन्

१३ मंसिर, गुल्मी । गुल्मीको इस्मा गाउँपालिकाका पूर्व उपाध्यक्ष बिमला केसीले गाउँपालिकाबाट लिएको दोहोरो सुविधावापतको असुल गर्नुपर्ने रकम अहिलेसम्म पनि फिर्ता नभएको पाइएको छ ।

उपाध्यक्ष केसीलाई गाउँपालिकाले लु १ ब २१५८ नं. को मोटरसाइकल उपलब्ध गराएको थियो तर उनले यातायात सुविधा र सवारीसाधन दुवै लिएको भन्दै श्रावणदेखि चैतसम्मको दोहोरो यातायात सुविधावापतको १ लाख ८ हजार असुल गर्नुपर्ने महालेखाको प्रतिवेदनमा उल्लेख गरिएको छ ।

स्थानीय तहका पदाधिकारी तथा सदस्यहरुको सुविधा ऐन २०७६ को दफा ४(३) मा पदाधिकारीलाई सवारी साधन उपलब्ध गराएको अवस्थामा यातायात सुविधा नपाउने व्यवस्था छ ।

महालेखा परिक्षणको प्रतिवेदनमा उपाध्यक्ष खत्रीले दोहोरो सुविधा लिए बापत १ लाख ८ हजार रुपैयाँ बेरुजु देखाएको हो । बेरुजु असुल गर्ने बिषयमा गाउँपालिका प्रमुख प्रशासकीय अधिकृत धनिस्वर पौड्यालसँग कुरा गर्दा उनले पुर्वउपाध्यक्षले लिएको दोहोरो सुविधा फिर्ता गर्नुपर्ने भएपनि अहिलेसम्म फिर्ता नगरेको बताए ।

उपाध्यक्ष गाउँपालिका न्यायिक समिति संयोजक हो जसले कानुन निर्माण गर्ने र कार्यनव्यन गराउने हो तर उपाध्यक्षले नै दोहोरो सुबिधा लिने र महिनौ फिर्ता नगर्नुले ठुला बडाले जे गरेपनि हुने भन्ने प्रस्ट देखिन्छ ।