प्रहरीमा ३० वर्षे सेवा अवधि हटाउन कानुन संशोधनको तयारी
नेपालबहस संवाददाता
मंसिर १५, २०७९ बिहिबार २०:४५:१३
१५ मंसिर, काठमाडौं । नेपाल प्रहरीमा कायम रहेको ३० वर्षे सेवा अवधिलाई हटाउन कानुन संशोधनको तयारी गरिएको छ । नयाँ सरकार नबन्दै नेपाल प्रहरीमा कानुन संशोधन गरेर ३० वर्षे सेवा अवधि हटाउन लागिएको हो । ‘नेपाल प्रहरीमा रहेको ३० वर्षे सेवा अवधि हटाउन गृह मन्त्रालयका अधिकारीहरुले कानुन संशोधनको तयारी गरेका छन्, माथिको आदेश भन्दै गृहसचिव विनोदप्रकाश सिंहले कानुन शाखालाई आवश्यक तयारी गर्न निर्देशन दिएका छन्’, गृह मन्त्रालयका उच्च अधिकारीले भने । यदि प्रहरी नियमावली संशोधन भएमा हालका आईजीपी धीरजप्रताप सिंहको अवधि पनि थपिनेछ ।
नेपाल प्रहरीको ३० वर्षे सेवा अवधि हटाउने विषयमा बुधबार अपरान्ह ललितपुरस्थित शेरबहादुर देउवाको नातेदारको घरमा छलफल भएको थियो । स्रोतका अनुसार प्रधानमन्त्री शेरबहादुर देउवा पत्नी आरजु राणाले आफ्नै भाई भूषण राणाको घरमा नेपाल प्रहरीका आईजीपी सिंहलाई बोलाएर नियमावली संशोधन गरेर भएपनि ३० वर्षे सेवा अवधि हटाउने बारेमा छलफल गरेकी थिइन ।
आरजु राणाले गृहसचिवलाई प्रधानमन्त्रीको आदेश भन्दै नेपाल प्रहरीको ३० वर्षे सेवा अवधि हटाउनका लागि नियमाली संशोधन गर्न निर्देशन दिएको स्रोतको दावी छ । प्रहरीमा ३० वर्षे सेवा अवधि लागू भएदेखि नै सरकारले ठूलो नोक्सानी बेहोर्दै आएको जनाउदै यसअघिका प्रहरी आईजीपीहरुले सेवा अवधि हटाउने कोशिश गरेका थिए । तर सकेका थिएनन् । ५८ वर्षसम्म सहजै काम गर्न सक्ने प्रहरी अधिकारीलाई ३० वर्षे सेवा अवधिका आधारमा ४८ वर्षमै अवकाश दिँदा पेन्सनका नाममा राज्यलाई ठूलो आर्थिक भार पर्दै आएको प्रहरी अधिकारीहरुको दावी छ ।
नेपाल प्रहरीका केही अधिकारीहरुले ३० वर्षे प्रावधान हटाउने कोशिश गरिरहेका थिए । प्रधानमन्त्री पत्नी आरजु राणाले गत असोजमा पनि ३० वर्षे सेवा अवधि हटाउन गृहमन्त्री बालकृष्ण खाँण र गृहसचिवलाई निर्देशन दिएकी थिइन । तर त्यतिबेला रविन्द्र धानुकलाई देखाएर रोकिएको थियो । माओवादी कोटामा एआईजी भएका धानुकको अवकाशपछि मात्रै हटाउने भन्दै रोकिएको थियो । स्रोतका अनुसार नेपाल प्रहरी र सशस्त्र प्रहरीमा आरजु देउवा र प्रधानमन्त्रीका स्वकीय सचिव भानु देउवाले हस्तक्षेप गर्दै आएका छन् । प्रहरीको सेवा अवधि हटाउने विषय पनि राणाले दबाब दिएकी हुन् ।
अहिले सेवा अवधि हटाएपछि आरजु राणाले डीआईजी अशोक सिंहलाई पहिलो नम्बरमा एआइजी बढुवा गर्नपनि दबाब दिएकी छिन् । प्रहरीमा ३० वर्षे सेवा अवधि हटेमा वर्तमान आईजीपी सिंहको अनिवार्य अवकाश हुने छैन । उनले अरु दुई वर्ष सेवामा रहन पाउनेछन् । उनीसँगै अवकाशमा जाने एआईजीहरुको पनि सेवा अवधि थपिनेछ । सेवा अवधि थपिने भएमा अहिलेका डीआईजी दीपक थापा लगायतका प्रहरी अधिकारीहरु पनि दंग परेका छन् । लामो समयदेखि नेपाल प्रहरीमा ३० वर्षे सेवा अवधि हटाउन पर्छ भन्दै लविङ गर्दै आएका डीआईजी थापा एआईजी बढुवाको लाइनमा छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता समीकरणः एमालेको साथ माओवादीलाई गलपासो, समाजवादी मोर्चाप्रति ओली संकिर्ण
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
भोलिदेखि कक्षा १२ को परीक्षा : तीन लाख ९० हजार आठ सय ४७ परीक्षार्थी सहभागी हुँदै
बैशाख १३, २०८१ बिहिबार
२७ करोड बढीको मुद्दामा विशेषले दियो सबैलाई सफाइ
बैशाख १३, २०८१ बिहिबार
पूर्वमन्त्री आलमसहित चार जनालाई जन्मकैदको फैसला
बैशाख १३, २०८१ बिहिबार
म्याग्दीमा पुख्र्यौली नाच प्रतियोगिता सुरु
बैशाख १३, २०८१ बिहिबार
योजना कार्यान्वयनका लागि रूपान्तरणका क्षेत्र पहिचान गरिएको छ : प्रधानमन्त्री प्रचण्ड
बैशाख १३, २०८१ बिहिबार
प्रहरीले १८ जनामा मुद्दा चलायो, सर्वोच्च पुग्दा सात बचे
बैशाख १३, २०८१ बिहिबार