प्रहरीमा एक डीआईजी र विभिन्न दर्जामा दरबन्दी थप्न प्रस्ताव

१५ मंसिर, काठमाडौं । नेपाल प्रहरीमा एक प्रहरी नायव महानिरीक्षक (डीआइजी)सहित विभिन्न दर्जामा गरी दुई हजार ६ सय दरबन्दी थप गर्ने प्रस्ताव अगाडि सारिएको छ । प्रहरी प्रधान कार्यालयले दरबन्दी थप्ने प्रस्तावलाई गृह मन्त्रालयमा पठाइएको छ ।

प्रस्तावमा एकजना डीआईजी, २ जना वरिष्ठ उपरीक्षक (एसएसपी), ७ जना उपरीक्षक (एसपी) र २५ जना नायव उपरीक्षक (डीएसपी)को दरबन्दी थप्न प्रस्ताव गरिएको छ । मन्त्रिपरिषदबाट सैद्धान्तिक सहमति लिएर दरबरन्दी थप्ने प्रस्ताव पठाइएकोमा प्रस्ताव गृहले निर्णय लिएको छैन ।

अन्तर्राष्ट्रिय विमानस्थलमा स्तरोन्नति भएसँगै पोखरा विमानस्थलमा प्रहरी वरिष्ठ उपरीक्षक राख्नुपर्ने प्रस्ताव गरिएको छ । पोखरा अन्तर्राष्ट्रिय विमानस्थलमा यान्त्रिक परीक्षण उडान सम्पन्न भइसकेको छ । प्रहरीको विधि विज्ञान प्रयोगशालामा डीआईजी राख्नु पनि प्रस्ताव गरिएको छ ।

दरबन्दी थप्ने प्रस्ताव अर्थ मन्त्रालयकाे सहमति लिएर मात्रै उक्त प्रस्ताव कानुन मन्त्रालय हुँदै मन्त्रिपरिषदमा पेस गर्नुपर्ने कानुनी व्यवस्था छ ।अहिले गृह मन्त्रालयले दरबन्दी थप्ने उक्त प्रस्ताव रोकेर ४ जनालाई एआईजीमा बढुवा गर्ने तयारी गरेको स्राेतले जनायाे  ।

गृह सचिव विनोद प्रकाश सिंहकाे शब्दमा नयाँ टिमबाट अशाेक सिंहलाई बढुवाका लागि लविङ शुरू भएकाे छ । सिंह २०७९ असारमा डीआईजीमा बढुवा भएका थिए । डीआईजी सिंह सचिव सिंहका नाताभित्रका पर्छन् ।