अर्थतन्त्र सुधारोन्मुख रहेको गभर्नर अधिकारीको दाबी

१५ मंसिर, काठमाडौं । नेपाल राष्ट्र बैंकका गभर्नर महाप्रसाद अधिकारीले अर्थतन्त्र सुधारोन्मुख अवस्थामा रहेको दाबी गरेका छन् ।

नेपाल आर्थिक पत्रकार समाजको २६औं वार्षिकोत्सवका अवसरमा बिहीबार आयोजित कार्यक्रममा उनले विदेशी मुद्रा सञ्चिति बढ्दै गएको र अर्थतन्त्रमा छाउनसक्ने संभावित त्रास कम भएको बताए ।

बजार सुधार गर्न राष्ट्र बैंक खुला भएको भन्दै गर्भनर अधिकारीले निजी क्षेत्र सशंकित नहुन आश्वसन दिए । समस्याबारे छलफल गर्न पनि आफूहरु सधैं खुला रहेको बताए । उनले गत वर्ष ८८ अर्ब शोधनान्तर घाटा रहेकामा यस वर्ष छ अर्ब बचत रहेको बताए ।