प्रधानमन्त्रीमा माओवादी केन्द्रकाे दाबी रहने शर्माकाे भनाई

१६ मंसिर, बुटवल । सत्तारूढ दल नेकपा (माओवादी केन्द्र)का नेतृ तथा दाङ क्षेत्र नम्बर २ बाट नवनिर्वाचित प्रतिनिधिसभा सदस्य रेखा शर्माले भावी सरकरकाे प्रधानमन्त्रीमा अध्यक्ष पुष्पकमल दाहाल ‘प्रचण्ड’काे दाबी रहने बताएकी छन् ।

उनले अहिले निर्वाचनको समानुपातिक मत परिमाण आउने क्रम अझै जारी रहेकाले दलका नेतालाई बाहिरभन्दा पनि पार्टी र गठबन्धनभित्र छलफल गरेर प्रधानमन्त्रीको विषय टुङ्ग्याउनु पर्ने बताइन् ।

बुटवलमा शुक्रबार आयोजित साक्षात्कार कार्यक्रममा शर्माले गठबन्धनको सरकार बनाउँदा ठूलो दलको हैसियतले नेपाली कांग्रेसले प्रधानमन्त्रीमा दाबी गर्नुलाई अस्वभाविक मान्न नसकिने तर सहमति कायम हुनुपर्ने बताइन् । साथै नयाँ पुस्ता र विकास-समृद्धिकाे नेतृत्व गर्न अध्यक्ष प्रचण्ड हरतरह तयार रहेकाे बताइन् ।

प्रधानमन्त्रीको विषयमा बढी चर्चा गर्नुभन्दा गठबन्धन दलभित्र छलफल गरेर टुङ्ग्याउनुपर्ने बताउँदै पद ठूलाे नभइ देश र जनताप्रति तत्तरदायी बन्ने ठूलाे विषय भएकाे बताइन् ।