माओवादी केन्द्रसँग अहिल्यै एकता संभव नरहेको एकीकृत समाजवादीको प्रष्टोक्ति

१६ मंसिर, काठमाडौं । नेकपा (एकीकृत समाजवादी)ले तत्काल नेकपा (माओवादी केन्द्र)सँग अहिले नै एकताको कुनै संभावना नरहेको प्रष्ट पारेको छ । पार्टीका महासचिव बेदुराम भुसालले शुक्रबार एक विज्ञप्ति जारी गर्दै माओवादी केन्द्रसँग एकताका लागि कुनै निर्णय नभएको प्छषट पारेका हुन् ।

दुई पार्टी एकताबारे भइरहेको प्रचारप्रति ध्यानाकर्षण भएको भन्दै भुसालले त्यस्ता खबर पूर्णतः निराधार र असत्य रहेको जनाएका छन् । एकताको प्चार गरेर भ्रम फैलाउन खोजेको उनको जिकिर छ ।

‘नेपाली कम्युनिष्ट आन्दोलनलाई एकताबद्ध बनाउनुपर्ने आवश्यकता छ भन्नेमा हामी प्रष्ट छौं,’ विज्ञप्तिमा भनिएको छ, ‘तर अहिले त्यस सम्बन्धमा निर्णय त के कुनै छलफल, वार्ता वा संवाद केही पनि भएको छैन’ विज्ञप्तिमा भनिएको छ, ‘हुँदै नभएको प्रचार गराएर भ्रम सिर्जना गर्न खोजिएकाले त्यस्तो भ्रममा नपर्न सबैमा अनुरोध छ ।’

यसअघि पार्टी अध्यक्ष माधवकुमार नेपालले सार्वजनिक मञ्चबाटै माओवादी केन्द्रसँग भविष्यमा एकता हुन सक्ने किसिमका अभिव्यक्ति दिँदै आएका थिए । आम चुनावपछि दुइ दलबीच एकता हुने आकलन गरिँदैछ ।