निर्माणसम्बन्धी वस्तु आयातमा नगद मार्जिन खुकुलो पारियो

१६ मंसिर, काठमाडौं । नेपाल राष्ट्र बैंकले निर्माणसंवद्ध वस्तुहरुको आयातमा नगद मार्जिन राख्नुपर्ने व्यवस्था खुकुलो बनाएको छ । यसअघि जारी भएको नगद मार्जिनसम्बन्धी एकीकृत परिपत्रलाई संशोधन गर्दै राष्ट्र बैंकले टायल्स, मार्बल, ग्रेनाइट, स्लेट, ढुंगा, सेरामिक्स, बिटुमिन, ढुंगा, ईंटा, झिंगटीहरुको आयातमा नगद मार्जिन राख्नुपर्ने व्यवस्था हटाएको छ ।

यस्तै, सार्वजनिक निकायमार्फत टेन्डर भएर हुने सार्वजनिक निर्माणका लागि आवश्यक पर्ने सामान आयातमा पनि नगद मार्जिनको व्यवस्थालाई खुकुलो बनाएको छ । हवाई जहाज र रंगशालाहरुमा राखिने कुर्सीको आयातमा अब नगद मार्जिन राख्नुपर्ने व्यवस्था गरिएको छ ।

मौद्रिक नीतिको समीक्षाले लिएका नीतिको आधारमा नगद मार्जिनको व्यवस्थालाई खुकुलो बनाइएको राष्ट्र बैंकका प्रवक्ता गुणाकरण भट्टले बताए ।