एमाले नेता बास्कोटाको घरमा शंकास्पद बस्तु, सेनाको बम डिस्पोजलले अनुसन्धान गर्दै

१८ मंसिर, काठमाडौं । नेकपा एमालेका नेता गोकुल बास्कोटाको घरमा शंकास्पद वस्तु फेला परेको छ । भक्तपुरको लोकन्थलीस्थित बास्कोटाको घरको परिसरमा शंकास्पद वस्तु भेटिएको हो । प्रेसर कुकर बमको आशंका गरिएकाले प्रहरी र नेपाली सेनाको बम डिस्पोजल टोली अहिले उनको घरमा पुगेको छ ।

नेपाली सेनाको बम डिस्पोजल टोली नेता बास्कोटाको घरमा पुगेको छ । आइतबार बिहान भक्तपुरस्थित बास्कोटाको घरमा शंकास्पद वस्तु फेला परेपछि बम भएको आशंकमा सेनाको टोली पुगेको हो । शंकास्पद वस्तु भेटिएको सूचनापछि प्रहरीको टोली उनको घरमा पुगेको थियो । प्रहरीले प्रहरीले प्रेसर कुकर बमको आशंका गरिएकाले प्रहरीले नेपाली सेनाको बम डिस्पोजल टोलीलाई बोलाएको हो ।

यसअघि ०७६ को फागुन २८ मा बास्कोटाको घरमा बम विष्फोट नै भएको थियो । त्यतिबेला बनिरहेको घरमा भएको बम विष्फोटबाट झ्यालका सिसा फुटेका थिए । बम विष्फोटमा संलग्न रहेको आरोपमा प्रहरीले नेत्रविक्रम चन्द ’विप्लव’ निकट तीन जनालाई पक्राउ गरेको थियो । अहिले बास्कोटाको घरमा प्रहरीको बाक्लो उपस्थिति छ ।

लोकन्थलीस्थित बाँस्कोटाको घरको कम्पाउन्ड बाहिर प्लाष्टिकमा बेरेर राखिएको कुकर फेला परेको हो । भक्तपुरका एसपी प्रजित केसीका अनुसार अहिले नेपाली सेनाको डिस्पोजल टोली त्यहाँ पुगेर अनुसन्धान गरिरहेको छ ।