धनराज गुरुङलाई बधाई दिँदै पद्मा अर्यालले किन लेखिन् यस्तो पत्र ?

१८ मंसिर, काठमाडौं । नेकपा (एमाले)की सचिव पद्मा अर्याललले नेपाली कांग्रेसका उपसभापति धनराज गुरुङलाई एक सार्वजनिक सन्देश लेखेकी छन् । सचिव अर्यालले आफ्नो फेसबुक पेजमा लामो पत्र लेख्दै चुनावी परिणामलाई भावुक रुपमा पस्केकी छन् ।

गुरुङ यही मंसिर ४ मा सम्पन्न प्रतिनिधिसभातर्फ स्याङजा क्षेत्र नं. २ बाट विजयी भएका छन् । अर्याललाई गुरुङसँग ठूलो मतान्तरले पराजित भएकी छन् । तर, अर्यालले पत्रमा आफ्नो पराजय स्वीकारेपनि गुरुङको विजयलाई ‘बुथ कब्जा’बाट भएको गम्भीर आरोप लगाउन छाडेकी छैनन् ।

यसअघि उनी र उनको एमालेको गण्डकी पार्टीले अन्यत्र क्षेत्रमा झैं यहाँ पनि मतदान स्वतन्त्र र निष्पक्ष नभएको, चापाकोटका केही मतदान केन्द्रमा धाँधली भएको भन्नै पुनः मतगणनाके बखेडा झिकेकै कारण मतदान भएको १० दिनपछि मात्र मतगणना भएको थियो । लोकतन्त्र र सामाजिक राजनीतिको पक्षमा उभिएकी दाबी गर्दै आएकी अर्यालले मतगणना गर्न निर्वाचन आयोगको निर्देशनपछि पनि सर्वलदलीय बैठक बस्न मानेकी थिइनन् ।

सन्देशमा अर्यालले पार्टी, विचार र सिद्धान्त अलग अलग रहेपनि जिल्लामा गर्नुपर्ने विकास लक्ष्य र जनताका आकांक्षाका थुप्रै काम बाँकी रहेको जनाउँदै आगामी दिनमा आवश्यक सहयोग र सहकार्यका लागि आफू तयार रहेको बताएकी छन् । उनले मतदाताको आकांक्षा र आवश्यकता तथा युवाहरुको युवाहरुको जोश जाँगरलाई उत्पादनशील एवम् सृजनशील कार्यमा लगायन सकिने वातावरण बनाउन समेत आग्रह गरेकी छन् ।

उनले गुरुङलाई सफल कार्यकालको शुभकामना दिँदै लेखेकी छिन्– ‘खैर अब तपाईंसँग धेरै गुनासो गर्नु पनि छैन । सबै कुरा भुलेर जनताको सेवा गर्न, स्याङ्जाको विकास निर्माणमा सहकार्य गरीअगाडि बढ्न प्रतिवद्ध छु । हामीले अगाडि बढाएका कयौं योजनाहरु छन, तिनलाई पूर्णताः दिन मिलेर अगाडि बढौं, नयाँ थप योजनाहरु आवश्यक छन्, त्यसका लागि हरदम साथ दिन तयार छु ।’