पेट्रोलियम प्रदार्थको मूल्य समायोजनको माग गर्दै विरोध प्रर्दशन

१८ मंसिर, काठमाडौं । भारतले मूलय घटाएर पठाएको अवस्थामा पनि नेपाल आयल निगमले पेट्रोलियम पदार्थको मूल्य समायोजन नगरेको विरोधमा विद्यार्थी संगठनहरुलेआइतबार राजधानीमा विरोध प्रदर्शन गरेका छन् ।

मूल्य समायोजन गर्न माग गर्दै नेकपा (बहुमत)निकट अखिल क्रान्तिकारीका कार्यकर्ताहरूले काठमाडौंको टेकुमा प्रर्दशन गरेका छन् ।

पेट्रोलियम पदार्थको मूल्य समायोजन गरिने भने पनि निगमले अन्तर्राष्टिय बजारमा मूल्य बढ्दा बढाउने तर घट्दा नघटाएको उनीहरूको भनाइ छ । मूल्य समायोजन तत्काल नगरिए कडा आन्दोलनका कार्यक्रम सार्ने चेतावनी समेत उनीहरुले दिए ।

निगमले पेट्रोल, डिजेल, मट्टितेल र हवाई इन्धनमा अन्तर्राष्ट्रिय स्वचालित मूल्यअनुसार थप घट गरिने बताउँदै आएपछि पछिल्ले पटक भारतीय आयल नियमले दुईपटक मूल्य घटाएर सूची पठाउँदा समेत निगम मोन बसेपछि चौतर्फी आक्रोश बढ्दै गइरहेको छ । यसबारे सरकार समेत मौन बसेको छ । पेट्रोलिय पदार्थको मूल्य उच्च भएकै कारण ढुवानी भाडा मनपरी लिने र वस्तुको मूल्य चर्को बढाउन रवैयाले सर्वसाधारण मर्कामा परेका छन् ।

सरकारबाहिर हुँदा मूल्य वृद्धिकाे चर्काे विराेध गर्ने मुख्य दलका विद्यार्थी संगठनहरू भने चुप बसेका छन् ।