सुनसान बन्याे जमुनाहको अध्यागमन कार्यालय
नेपालबहस संवाददाता
मंसिर १८, २०७९ आइतबार २१:५३:४७
१८ मंसिर, बाँके । भारततर्फको अध्यागमन कार्यालय बन्द भएपछि जमुनाहस्थित नेपालको अध्यागमन कार्यालय सुनसान बन्न पुगेको छ । भारतीय अध्यागमन कार्यालय बन्द भएपछि कार्यालयबाट हुने गरेको प्रस्थान तथा आगमन अनुमति दिने काम ठप्प भएको अध्यागमन कार्यालय नेपालगञ्जका निमित्त प्रमुख कृष्णा रानाले बताए ।
‘कोभिड–१९ महामारीको सुरुआतसँगै बन्द भएको भारतीय अध्यागमन कार्यालय अहिलेसम्म खुलेको छैन”, रानाले भने, भारतीय अध्यागमन कार्यालय नखुल्दा यताबाट आगमन तथा प्रस्थान अनुमति दिने काम हुनसकेको छैन ।’
करिब तीन वर्षदेखि नेपालगञ्ज नाकाबाट औपचारिक रुपमा विदेशी पर्यटक आवागमन कार्य ठप्प भएको निमित्त कार्यालय प्रमुख रानाले बताए । विगतमा नेपालगञ्ज नाकाबाट वार्षिक दुई सय ५० देखि तीन सय विदेशी पर्यटक पैदलमार्ग हुँदै नेपाल भित्रिने गरेकोमा २०७७ वैशाखयता विदेशी पर्यटकको आवागमन र प्रस्थान ठप्प भएको छ ।
भारततर्फ रुपैडिहास्थित अध्यागमन कार्यालय बन्द भएपछि नेपालगञ्जस्थित अध्यागमन कार्यालयको काम पर्यटकलाई सूचना दिने भएको छ । आवागमन र प्रस्थान अनुमतिका लागि यहाँ आउने विदेशी पर्यटकलाई अहिले रुपन्देहीको बेलहिया अध्यागमन कार्यालय पठाउने गरेको कार्यालय प्रमुख रानाले बताए ।
नेपालगञ्जस्थित अध्यागमन कार्यालय कामविहीन हुँदा बाँके बर्दियाको पर्यटन क्षेत्र समेत प्रभावित भएको नेपाल एसोसियशन अफ टुर एण्ड ट्राभल एजेण्ट (नाटा) बाँकेका अध्यक्ष श्रीराम सिग्देलले बताए ।
नेपालगञ्ज नाका हुँदै नेपाल आउन खोज्ने विदेशी पर्यटकले अहिले भैरहवा वा महेन्द्रनगर नाका पुगेर आउनुपर्ने भएकाले कतिपयले यात्रा स्थगित गर्ने गरेको उनको भनाइ छ ।
सीमावर्ती भारतीय बजार रुपैडिहामा रहेको अध्यागमन कार्यालय सञ्चालन गर्नका लागि अध्यागमन विभाग, गृह मन्त्रालयलगायतका सरोकारवाला निकायबाट आफूहरुले पहल गरेको अध्यक्ष सिग्देलले बताए ।
भारत र तेस्रो मुलुकबाट जमुनाह नाका हुँदै नेपालगञ्ज आउने पर्यटकको सङ्ख्या ठूलो भए पनि भारतीय अध्यागमन कार्यालय बन्द हुँदा त्यसको असर बाँके र बर्दिया जिल्लाको पर्यटन क्षेत्रमा परेको पर्यटन प्रवर्द्धन मञ्च बाँकेका अध्यक्ष कृष्णप्रसाद श्रेष्ठको भनाइ छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपअध्यक्ष चयनमा समस्या आएपछि धितोपत्र बोर्डको जिम्मेवारी शाक्यलाई
बैशाख ४, २०८१ मंगलबार
यस्तो छ लगानी सम्मेलनको दुई दिने कार्यतालिका
बैशाख ३, २०८१ सोमबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
लोकरिझ्याईं राजनीतिको ‘महाजात्रा’मा हरिवंश आचार्य
कुसुम भट्टराई
बैशाख ५, २०८१ बुधबार
हार्दिक पाण्डेयलाई १२ लाख जरीवाना
नेपालबहस संवाददाता
बैशाख ७, २०८१ शुक्रबार
त्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी
बैशाख ७, २०८१ शुक्रबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
इलाम क्षेत्र न. २ मा कांग्रेस र स्वतन्त्रको देखियो चहलपहल
बैशाख ८, २०८१ शनिबार
एलोन मस्कको भारत भ्रमण स्थगित
बैशाख ८, २०८१ शनिबार
कुम्भमेलामा १० दिनमा दुई लाखभन्दा बढी दर्शनार्थी सहभागी
बैशाख ८, २०८१ शनिबार
इलाम क्षेत्र न. २ मा कांग्रेस र स्वतन्त्रको देखियो चहलपहल
बैशाख ८, २०८१ शनिबार
अब हामी देशमा अर्को उथलपुथल ल्याउँछौँः माधव नेपाल
बैशाख ८, २०८१ शनिबार