दोलखामा फेरि अघि लागे माओवादी केन्द्रका कार्की

१८ मंसिर, काठमाडौं । दोलखामा प्रतिनिधिसभातर्फको मतगणनामा आइतबार साँझदेखि नेकपा (माओवादी केन्द्र)का गंगा कार्कीले एमालेका उम्मेदवारलाई उछिनेका छ्न् ।

कार्कीले गणनाको सुरुवातीदेखि नै अग्रता लिएपनि आइतबार अपरान्हतिर एमालेका बालकृष्ण शिवाकोटीले अग्रता सुरु गरेका थिए । तर कार्कीले साँझतिर त्यसलाई उल्ट्याइदिएका छन् ।

पछिल्लो मतपरिणाम आउँदा माओवादी केन्द्रका कार्की २२ हजार ८१६ मतसहित अघि लागेका छन् । त्यहाँ एमालेका शिवाकोटी २२ हजार ४११ मतसहित पछ्याइरहेका छन् । शिवाकोटीलाई कार्कीले ४०५ मतले पछाडि पारेका छन् ।

हालसम्म ४९ हजार ६३५ मतगणना भएको छ । कार्कीलाई सत्ता गठबन्धनका दलहरूकाे समर्थन छ ।