विश्वकपको पहिलो क्वाटरफाइनलमा ब्राजिल र क्रोएसिया भिड्ने

२१ मंसिर, काठमाडौं । कतारमा जारी विश्वकप फुटबलको पहिलो क्वाटरफाइनल खेल शुक्रबार हुने भएको छ । नेपाली समयअनुसार शुक्रबार राति पौने ९ बजे ब्राजिल र क्रोएसियाबीच प्रतिस्पर्धा हुने भएको छ ।

त्यसैगरी दोस्रो क्वाटरफाइनलमा मोरक्को र पोर्चुगल शनिबार राति पौने ९ बजे तथा तेस्रो क्वाटरफाइनलमा अर्जेन्टिना र नेदरल्यान्ड्स शनिबार राति पौने १ बजे हुनेछ ।

क्वाटरफाइनलको अन्तिम खेलमा आइतबार राति पौने १ बजे फ्रान्स र इंग्ल्यान्ड भिड्ने भएका छन् । विश्वकपको फाइनल खेल भने डिसेम्बर १८ मा हुनेछ ।