सालाको हत्यापछि फरार भिनाजुले गरे प्रहरीमा आत्मसमर्पण

२२ मंसिर, धनगढी । जोशीपुर गाउँपालिकामा नाताले भिनाजु पर्नेले सालाको ज्यान लिएर प्रहरीसामु आत्मसमर्पण गरेका छन् ।

जोशीपुर गाउँपालिका–६ कुमारी बागका ३३ वर्षीय पदमराज भण्डारीको मंगलबार राति हँसिया प्रहार गरी ज्यान लिएर भिनाजुले प्रहरीसामू आत्मसमर्पण गरेका हुन् ।

साला नाता पर्ने भण्डारीको हँसिया प्रहार गरी हत्या गरेर फरार भएका स्थानीय ५० वर्षीय गौरीलाल ढुङगाना आफैँ लाका प्रहरी कार्यालय सडकपुर बौनियामा आत्मसमर्पण गरेको प्रहरीले जनाएको छ ।

उनले आरोपित ढुङ्गानालाई नियन्त्रणमा लिइ थप अनुसन्धानका लागि इलाका प्रहरी कार्यालय सुखडमा राखिएको छ। घरायसी विवाद भएको हँसियाबाट अर्का साला नाता पर्ने ४० वर्षीय जयराज भण्डारी पनि घाइते भएका छन् । उनको कोहरलपुरमा उपचार भइरहेको प्रहरीले जनाएको छ ।