क्रिस्टियानो रोनाल्डोलाई पोर्चुगलको बेन्च, सजाय वा प्रशिक्षकको एकल निर्णय ?
कुसुम सेञ्चुरी
मंसिर २२, २०७९ शुक्रबार १:१८:५३
२२ मंसिर, काठमाडौं । कतार विश्वकप फुटबल २०२२ जारी भइरहेका बेला पछिल्लो समय पोर्चुगल फुटबल टोलीका कप्तान क्रिस्टियानो रोनाल्डोको चर्चा व्यापक भइरहेको छ । उनको चर्चा यसकारण व्यापक भइरहेको छ की स्वीट्जरल्यान्डविरुद्ध मंगलबार भएको अन्तिम १६ को खेलमा रोनाल्डो पहिलो रोजाईमा पर्न असफल भएसँगै उनका बारेमा अनेक आशंका र अडकलबाजी भईरहेका छन् ।
तेसो त खेलको अघिल्लो दिन नै प्रशिक्षक फर्नान्डो सान्तोसले दक्षिण कोरियासँगको खेलमा रोनाल्डोले गरेको व्यवहारका कारण आफू रुष्ट रहेको बताएका थिए । रोनाल्डोलाई परिवर्तन गर्दा उनले देखाएको आचरणप्रति प्रशिक्षकको आपत्ति थियो । प्रशिक्षक सान्तोसले खेलको अघिल्लो दिन पनि रोनाल्डो सुरुवाती रोजाईमा खेल्ने वा नखेल्ने पक्का बताउन मानेका थिएनन् ।
रोनाल्डोको अनुपस्थितिमा स्वीजरल्याण्डसँगको प्रिक्वाटरफाइनल खेलमा गोन्कालो रामोसले पहिलो रोजाईमा अवसर पाए । त्यस्तै जोआओ फेलिक्स र ब्रुनो फर्नान्डेस आक्रमणमा छन् । ओटाभियो, बर्नार्डो सिल्भा र विलियम कार्भाल्हो मिडफिल्डमा खेलिरहेका छन् । टोलीको कप्तानी डिफेन्डर पेपेले गर्दा उनलाई राफाएल गुरेरो, रुबेन डियास र डिओगो डालोटले साथ दिएका छन् । गोलरक्षकमा डिओगो कोस्टा छन् ।
यता स्वीस टोलीका लागि भने गोलरक्षक यान सोमर टोलीमा फर्केका छन् । समूह चरणको अन्तिम खेलमा उनी उपस्थित थिएनन् । डिफेन्समा म्यानुएल अकन्जी, फाबियन सेर, रिकार्डो रोड्रीग्वेज र फर्नान्डेस छन् । मिडफिल्डमा ग्रानिट झाका र रिमो फ्रुएलर छन् । आक्रमणमा ब्रिल एम्बोलोलाई भार्गास, मोहमाथ सोउ र जेर्डान शाकिरीले साथ दिनेछन् ।
सुरुवाती रोजाइमा पर्न असफल रोनाल्डो ७३ औं मिनेटमा जोआओ देलिक्सको सट्टा मैदानमा प्रवेश गरेका थिए । पोर्चुगल ६–१ ले विजयी हुँदै क्वार्टरफाइनलमा प्रवेश गरेको थियो । सेमिफाइनल प्रवेशका लागि टोलीले मोरोक्कोको सामना गर्नेछ । मोरोक्कोले स्पेनलाई हराएर अन्तिम आठको यात्रा तय गरेको थियो ।
क्वार्टरफाइनलमा स्थान सुरक्षित गरेको भोलीपल्ट बुधबार प्रशिक्षक फर्नान्डो सान्तोसले स्वीट्जरल्यान्डविरुद्ध बेन्चबाट खेल सुरुआत गर्ने खेलाडीका लागि अभ्यास सत्र राखेका थिए । बेन्चबाट सुरु गर्नेमा रोनाल्डो पनि थिए । तर उनी त्यो अभ्यास सत्रमा सहभागी भएनन् । पहिलो रोजाईमा परेका खेलाडीले जीममा वर्कआउट गरेका थिए । रोनाल्डो त्यही समूहमा सामेल भएका थिए । त्यसरी अलगअलग अभ्यास सत्र गरेपनि सुरुवाती खेलाडीकै साथमा सामेल हुन रोनाल्डोले अप्ठेरो मानेनन् । अन्य वैकल्पिक खेलाडीलाई भने उनको व्यवहार आश्चर्यजनक थियो ।
ठूला प्रतियोगितामा ३१ खेलपछि रोनाल्डो पहिलो रोजाईमा पर्न असफल भएका थिए । सन् २००८ यता उनले मंगलबार पहिलो पटक बेन्चबाट सुरुवात गर्नुपरेको थियो । रोनाल्डोसँग जोडिएका हरेक विषय विवादित बन्दै आएका छन् । उनलाई सुरुवात नराउने प्रशिक्षकको निर्णयले पनि धेरैलाई आश्चर्यमा पारेको थियो ।
रोनाल्डोकी प्रेमिका जर्जिना रोड्रिगुइजले प्रशिक्षकको कदमको कडा रुपमा आलोचना गरेकी छिन् । मंगलबार राति भएको खेलमा रोनाल्डोलाई सुरुवाती ११ मा नहालिएपछि उनकि प्रेमिका रोड्रिगेज आक्रोशित व्यक्त गर्दै ‘हामीले ९० मिनेटसम्म विश्वकै उत्कृष्ट खेलाडीको खेल हेरेर मजा लिने अवसर पाएनौँ, यो लाज लाग्ने कुरा हो,’ रोनाल्डोलाई सुरुमै मैदानमा नउतार्ने प्रशिक्षक फर्नान्डो सान्तोषको निर्णयमा रोड्रिगेजले सामाजिक सञ्जालमा असन्तुष्टि व्यक्त गरेकी छिन । खेल जारी रहँदा सुरुवाती ११ मा नपरेपछि बेन्चमा थन्किएका रोनाल्डो समेत उदास हुँदा उनका समर्थक र दर्शक समेत निरास भएका थिए ।
सामाजिक सञ्जालमा रोनाल्डोकी प्रेमिकाले आक्रोश पोखिरहेकै बेला पोर्चुगलका गोन्सालो रामोस स्वीटजरल्यान्डविरुद्ध चम्किए । रामोसले यो विश्वकपकै पहिलो ह्याट्रिक गरेर अब रोनाल्डोका लागि स्थान सुरक्षित नरहेको सन्देश दिइसकेका छन् । योसँगै रामोस विश्वकपको सुरुवाती ११ मा पहिलोपटक परेर ह्याट्रिक गर्ने जर्मनीका मिरोस्लाभ क्लासपछि दोस्रो खेलाडी बनेका छन् । विश्वकपको नकआउट चरणजस्तो माथिल्लो स्तरमा सनसनीपूर्ण ह्याट्रिक गरेका रामोस सन् २००१ जुन २० मा मा पोर्चुगलको ओल्हाओमा जन्मिएका खेलाडी हुन् ।
अब क्वाटरफाइनलमा पोर्चुगलले मोरक्कोविरुद्ध खेल्दैछ । के भन्न सकिन्छ, सायद यो खेल जित्न पोर्चुगललाई गाह्रो हुने छैन, यदि रोनाल्डोले खेलेनन् भने पनि ? यी सबै खेलमा भएका घटनाक्रमले पनि के बताउँछ भने रोनाल्डोका लागि अहिले ठीक दिन चलिरहेको छैन । फेरि एकथरिले सामाजिक सञ्जालमा आफ्ना विचार पोष्ट गर्दै के पनि भन्ने गरेका छन भने, यदि पोर्चुगल अन्तिम १६ मै रोकिएको भए विश्वकपबाट बाहिरिनुको सबै दोष सान्तोसमाथि नै हुन्थ्यो न कि रोनाल्डोमाथि ?
यति हुँदाहुँदै सामाजिक सञ्जालकै कुरा गर्ने हो भने पनि रोनाल्डोलाई पोर्चुगलको बेन्च सजाय वा प्रशिक्षकको एकल निर्णय ? यो बिषय पनि उठिरहेको छ । यता रोनाल्डोले साउदी अरेबियाको क्लबसँग फुटबलमा सबैभन्दा आकर्षक क्लब सम्झौतामा हस्ताक्षर गरेको खबर आएको केही दिनपछि, पोर्चुगलका सुपरस्टारलाई कतारमा स्वीट्जरल्याण्ड विरुद्धको आफ्नो राष्ट्रको विश्वकपको राउन्ड अफ १६ खेलको लागि बेन्च गरेको हो । यो कदमले मुख्य प्रशिक्षक सान्तोसको पनि आलोचना धेरै भएको छ ।
कुसुम सेञ्चुरी
नेपालबहस डटकमकी समाचार सम्पादक/ समाचार प्रमुख कुसुम सेञ्चुरी राजनीति तथा समसामयिक विषयवस्तुमा कलम चलाउँछिन् । फुलवारी एफएमदेखि रेडियो पत्रकारिता शूरु गरेकी कुसुमले रासस, रेडियो अन्नपूर्ण र देशान्तर एफएममा पनि काम गरेकी छन् । केही समय उनले नाइस टीभीमा समाचार प्रस्तोताको रुपमा पनि कुशलतापूर्वक जिम्मेवारी निभाएकी छन् ।
लेखकबाट थप‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
क्रोएसियाले इजिप्टमाथि ४-२ को जित निकाल्दा लुका मोड्रिचले दुई गोल गरे
चैत १५, २०८० बिहिबार
इटहरी गोल्डकप : त्रिभुवन आर्मी फाइनलमा
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
आगामी वर्षको बजेट लेख्न अर्थ मन्त्रालयले बनायो समिति
चैत १६, २०८० शुक्रबार
शुक्लाफाँटामा दुर्लभ मानिएको बाह्रसिङ्गाको गणना हुँदै
चैत १६, २०८० शुक्रबार
नेपाली सेनाको उच्चस्तरीय राष्ट्रिय सुरक्षा तालिम सम्पन्न
चैत १६, २०८० शुक्रबार
सवारी दुर्घटनाः सुदूरपश्चिममा साढे तीन वर्षमा ६ सय ७४ को मृत्यु
चैत १६, २०८० शुक्रबार
राजस्व छलीका गाडी र मोटरसाइकलसहित तीन जना पक्राउ
चैत १६, २०८० शुक्रबार
सर्वोच्चले गरिदियो कांग्रेस सांसद गुरुङको निलम्बन फुकुवा
चैत १६, २०८० शुक्रबार