सशस्त्रद्वारा रातारात ९७ जना प्रहरी उपरीक्षको सरूवा

६ माघ, काठमाडौं । सशस्त्र प्रहरी बलले ९७ जना सशस्त्र प्रहरी उपरीक्षक (एसपी) को सरुवा निकालेको छ । गत साउनमा नै सरुवा निकाल्नु पर्ने भए पनि विभिन्न कारणले रोकिएको थियो । गृहमन्त्री रवि लामिछानेको निर्देशनमा सशस्त्रका एसपीको सरुवा निकालेको हो ।

सशस्त्र प्रहरीको प्रधान कार्यालय हलचोकले बिहीबार राति ९७ जना एसपीको सरूवा गरेको हो । अहिलेको सरूवा विना राजनीतिक हस्तक्षेप र पूर्वसूचीअनुसार नै गरिएको सशस्त्र प्रहरीले जनाएको छ । गत कात्तिक १५ गते एपिएफको कर्मचारी प्रशासन शाखाले एसपीको सम्भावित सरूवा सूची प्रकाशन गरेको थियो । त्यसअनुसार नै अहिले एसपीको सरूवा भएको सशस्त्रको दावी छ ।

सशस्त्रका अनुसार युएन शान्ति स्थापना शिक्षालय ककनीका विर सिंह शाहूको नम्बर ४३ रिजर्भ गण हेडक्वार्टर बवबेहडा कैलालीमा, नम्बर ४ मुक्तिनाथ बाहिनी मुख्यालय कास्कीका जनक पुरीको एपिएफ हुल तथा दंगा व्यवस्थापन तालिम शिक्षालय लामापाटन पोखरामा सरूवा भएको हो । त्यस्तै नेत्रबहादुर कार्कीको नम्बर १४ गण हेडक्वार्टर मकवानपुरबाट एपिएफ कमान्ड तथा स्टाफ कलेज काठमाडौंमा तानिएका छन् ।

नम्बर १ बराह बाहिनी मुख्यालय सुनसरीका एसपी राजेश उप्रेतीको प्रधान कार्यालय महानिरीक्षकको सचिवालयमा सरूवा भएको छ । भरत खनिया एपिएफ नम्बर १० गण सर्लाहीबाट मुक्तसनाथ बाहिनी मुख्यालय कास्कीमा पुगेका छन् । नम्बर ११ गण हेडक्वार्टर रौतहटका ध्रुवबहादुर कार्कीलाई राष्ट्रिय सुरक्षा परिषदको सचिवालय सिंहदरबारमा ल्याइएको छ ।

नम्बर २ छिन्नमस्ता बाहिनी मुख्यालय महोत्तरीका रमेशकुमार पाण्डेको एपिएफ कमान्ड तथा स्टाफ कलेज काठमाडौंमा, युएन शान्ति स्थापना तालिम शिक्षालय ककनीका तिर्थराज पौडेलको ६ नम्बर गण हेडक्वार्टर सप्तरी, एपिएफ कमान्ड तथा स्टाफ कलेज काठमाडौंका रविनराज कर्णनितको युएन शान्ति स्थापना तालिम शिक्षालय ककनीमा पुगेका छन् ।

सरूवामा एक पटक पनि कमान्डको जिम्मेवारी प्राप्त नगरेका एसपीलाई पहिलो प्राथमिकतका कार्यालयमा सरूवा गरेको र तालिम शिक्षालयहरूमा कमाण्ड गरेका एसपीलाई दोस्रो प्राथमिकतामा राखेर सरूवा गरेको प्रधान कार्यालयले जनाएको छ । सरूवा सूचीका उम्मेदवार रहेका तर विभिन्न स्वदेश तथा विदेशमा तालिमरत रहेका र संगठनको आवश्यकताले महत्वपूर्ण जिम्मेवारीमा खटाएका एसपीहरूलाई रोकिएको छ । उनीहरु सरुवामा परेका छैनन् ।

यस्तो सूची: