प्रतिनिधिसभाका सांसद कोइरीलाई समाउन ७७ वटै जिल्लामा प्रहरीको सर्कुलर
नेपालबहस संवाददाता
माघ ८, २०७९ आइतबार २१:५५:४
८ माघ, काठमाडौं । नेपाल प्रहरीले हत्या अभियोग लागेका नेकपा एमालेका तर्फबाट प्रतिनिधिसभाका सांसद लक्ष्मी महतो कोइरीलाई पक्राउ ७७ वटै जिल्लामा सर्कुलर जारी गरेको छ । गृहमन्त्रीमाथि पक्राउ गर्न चौतर्फी दवाव बढेपछि कोइरीलाई पक्राउ गर्न प्रहरी मुख्यालयले सर्कुलर जारी गरेको हो ।
प्रहरी प्रधान कार्यालयका प्रवक्ता डीआईजी टेकप्रसाद राईले कोइरीलाई पक्राउ गर्न ७७ वटै जिल्लामा प्रहरी कार्यालयमा सर्कुलर जारी गरेको जानकारी दिएका छन् । उनले गृहमन्त्री रवि लामिछानेले निर्देशन दिनेबित्तिकै पनि सर्कुलर जारी भएको र फेरि पनि देशभर सर्कलर जारी गरिएको बताए । यसअघि, गृह मन्त्रालयले कोइरीलाई पक्राउ गर्न दिएको निर्देशन कार्यान्वयन नभएकोप्रति कांग्रेसले संसदमै गम्भीर ध्यानाकर्षण गराएको थियो ।
गृहमन्त्री रवि लामिछानेलाई प्रहरीले नटेरेको भन्दै सामाजिक सञ्जालमा आलोचनासमेत भएपछि प्रहरीले उनको खोजीकार्य जारी रहेको जनाउँदै सर्कुलर जारी गरेको हो । मधेस आन्दोलनका क्रममा सशस्त्र प्रहरीका सहायक निरीक्षक थमन बिकको हत्या गरेको अभियोग कोइरीमाथि लागेको छ । कोइरीले पुस २६ गते प्रधानमन्त्री पुष्पकमल दाहाल ‘प्रचण्ड’लाई विश्वासको मतसमेत दिएका थिए ।
नेकपा एमालेका तर्फबाट महोत्तरी १ बाट प्रतिनिधिसभा सदस्यमा उनी निर्वाचित भएका थिए । उनलाई महोत्तरी जिल्ला अदालतले पूर्पक्षका लागि एक लाख धरौटीमा रिहा गरेको थियो । तर, पुनरावेदनपछि उच्च अदालत जनकपुरबाट उनलाई पूर्पक्षका लागि थुनामा राख्न आदेश भएको थियो । उच्च अदालतको आदेशपछि भने प्रहरीले उनलाई पक्राउ पर्न सकेका छैन । उनी प्रहरीको फरार सूचीमा रहेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार