कालिका लघुवित्तले १९ प्रतिशत बोनस शेयर वितरण गर्ने

९ माघ, काठमाडौं । कालिका लघुवित्त वित्तीय संस्थाले १९ प्रतिशत बोनस शेयर वितरण गर्ने भएको छ । कम्पनीको शुक्रबार बसेको सञ्चालक समिति बैठकले शेयरधनीहरुलाई गत आर्थिक वर्षको नाफाबाट बोनस शेयर वितरण गर्ने निर्णय गरेको हो ।

यस्तै, उक्त बोनस शेयरको कर प्रयोजनका लागि १ प्रतिशत नगद लाभांश पनि वितरण गर्ने भएको छ । प्रस्तावित बोनस शेयर नियामक नेपाल राष्ट्र बैंक र कालिकाको आगामी वार्षिक साधारणबाट पारित भएपछि शेयरधनीहरुलाई वितरण हुनेछ ।